തിരുവനന്തപുരത്തെ യുഡിഎഫ് സ്ഥാനാർഥി ശശി തരൂരിനു ആകെ 56.06 കോടി രൂപ മൂല്യമുള്ള സ്വത്തുവകകള്. നാമ നിർദ്ദേശ പത്രികയിലാണ് സ്വത്ത് വിവരങ്ങള് വെളിപ്പെടുത്തിയത്. 19 ബാങ്ക് അക്കൗണ്ടുകളിലും ഓഹരി- ബോണ്ടുകളിലുമടക്കം 49.31 കോടി രൂപയുടെ നിക്ഷേപമുണ്ട്.
32 ലക്ഷം വിലയുള്ള 534 ഗ്രാം സ്വർണം, 22.68 ലക്ഷം വിലയുള്ള രണ്ട് കാറുകളുമുണ്ട്. 6.75 കോടി രൂപയുടെ ഭൂ സ്വത്തുക്കള്. പാലക്കാട് ചിറ്റൂർ ഇലവൻചേരി വില്ലേജില് 1.56 ലക്ഷം വിലയുള്ള കൃഷി ഭൂമിയും തിരുവനന്തപുരം ശാസ്തമംഗലത്ത് 6.2 കോടി വിലയുള്ള 25.86 സെന്റ് കാർഷികേതര ഭൂമിയുമുണ്ട്.
വഴുതക്കാട്ട് 52.38 ലക്ഷം രൂപ മൂല്യമുള്ള ഫ്ലാറ്റും തരൂരിനുണ്ട്. കട ബാധ്യതകളില്ല. കൈവശം സൂക്ഷിക്കുന്നത് 36,000 രൂപ. തിരുവനന്തപുരത്ത് നടക്കുന്നത് കോടീശ്വരന്മാർ തമ്മിലുള്ള പോരാട്ടമാണ് എന്ന് വേണമെങ്കിൽ പറയാം. ബിജെപി സ്ഥാനാർഥി രാജീവ് ചന്ദ്രശേഖരൻ ശതകോടീശ്വരനാണ്. കഴിഞ്ഞ രണ്ട് തിരഞ്ഞെടുപ്പുകളിലും ഇടതുമുന്നണിയെ മൂന്നാം സ്ഥാനത്തേക്ക് തള്ളി ബിജെപിയായിരുന്നു തിരുവനന്തപുരത്ത് രണ്ടാം സ്ഥാനത്ത്.