മാരുതി സുസുക്കിയുടെ വാഹനങ്ങള്‍ക്ക് ഇപ്പോള്‍ ഗംഭീരന ഓഫറുകള്‍ ഡീലർഷിപ്പുകള്‍ പ്രഖ്യാപിച്ചിരിക്കുകയാണ്. 2023- ല്‍ പൊടിപൊടിക്കുന്ന കച്ചവടമായിരുന്നപ എങ്കിലും ചില മോഡലുകള്‍ ഇപ്പോഴും സ്റ്റോക്കുണ്ട്. 2023 മോഡല്‍ വാഹനങ്ങള്‍ വിറ്റു തീർക്കുന്നതിന് വേണ്ടിയാണ് ഇപ്പോള്‍ ഈ ഓഫർ പ്രഖ്യാപിച്ചിരിക്കുന്നത്. ഇനി തുടർന്ന് വായിച്ചാല്‍ ഏതൊക്കെ വാഹനങ്ങള്‍ ലിസ്റ്റിലുണ്ട് എന്നറിയാം.
2023 -ലെ സ്റ്റോക്ക് തീർക്കാതെ ഈ പുതിയ 2024 വർഷത്തിലേക്ക് വാഹനങ്ങള്‍ വില്‍ക്കുന്നത് ഡീലർഷിപ്പുകള്‍ക്ക് വൻ നഷ്ടമായിരിക്കും. ഗ്രാൻഡ് വിറ്റാര ഹൈബ്രിഡ്, ഫ്രോങ്ക്സ് ടർബോ-പെട്രോള്‍ വേരിയൻ്റുകള്‍ യഥാക്രമം 79,000 രൂപയ്ക്കും 83,000 രൂപയ്ക്കും ലഭിക്കും. കൂടാതെ, മിക്ക മാരുതി ഡീലർമാരും വില്‍പ്പന കൂടുതല്‍ വർദ്ധിപ്പിക്കുന്നതിനായി എല്ലാ മോഡലുകള്‍ക്കും 50,000 രൂപ അധിക ക്യാഷ് കിഴിവ് വാഗ്ദാനം ചെയ്യുന്നു.
അതുപോലെ, 2023 ഇഗ്‌നിസ്, സിയാസ് മോഡലുകള്‍ക്ക് യഥാക്രമം 61,000 രൂപയും 48,000 രൂപയും ഔദ്യോഗിക കിഴിവുകള്‍ നല്‍കുന്നു. എന്നിരുന്നാലും, മിക്ക ഡീലർഷിപ്പുകളിലും രണ്ട് മോഡലുകളും ഒരു ലക്ഷം രൂപയിലധികം കിഴിവോടെയാണ് വാഗ്ദാനം ചെയ്യുന്നതെന്ന് ചില റിപ്പോർട്ടുകള്‍ സൂചിപ്പിക്കുന്നുണ്ട്. ജിംനിക്കും നിലവില്‍ ഏറ്റവും ഉയർന്ന കിഴിവുകള്‍ ലഭ്യമാണ്. 1.50 ലക്ഷം രൂപയുടെ ഔദ്യോഗിക കിഴിവ് കൂടാതെ, വില്‍പ്പന വർധിപ്പിക്കുന്നതിനായി തണ്ടർ എഡിഷൻ്റെ വിലയും മാരുതി സുസുക്കി താല്‍ക്കാലികമായി കുറച്ചിട്ടുണ്ട്.
തണ്ടർ എഡിഷൻ ഓഫറുകള്‍ ഇനി ലഭ്യമല്ലെങ്കിലും, ഡീലർമാർ ഇപ്പോഴും ഔദ്യോഗിക ഓഫറിന് മുകളില്‍ 50,000 രൂപ അധിക കിഴിവ് വാഗ്ദാനം ചെയ്യുന്നു. എന്നിരുന്നാലും, 2023 മോഡല്‍ ജിംനി സ്റ്റോക്ക് കുറവാണ്, മിക്ക ഡിസ്കൗണ്ട് യൂണിറ്റുകളും ഇതിനകം വാങ്ങിയിട്ടുണ്ട്, ഇതിൻ്റെ ഫലമായി യഥാർത്ഥ സ്റ്റിക്കർ വിലയുമായി താരതമ്യം ചെയ്യുമ്ബോള്‍ ഏകദേശം 3.5 ലക്ഷം രൂപ ലാഭിക്കാം എന്നതാണ് ഗുണം.
