“ചൂലെടുത്ത് നട തൂത്ത് പ്രസ്ഥാനത്തിനായി പണിയെടുക്കുന്ന ഞങ്ങളുടെ പ്രസിഡന്റ്”: കോൺഗ്രസ് പാലാമണ്ഡലം പ്രസിഡന്റ് തോമസുകുട്ടി നെച്ചികാട്ടിനെ പുകഴ്ത്തുന്ന വീഡിയോ പ്രചരണം പാലായിൽ വൈറലാകുന്നു; വീഡിയോ ഇവിടെ കാണാം.

സമൂഹമാധ്യമങ്ങൾ ഇന്ന് മികച്ച പ്രചരണ ഉപാധികളാണ്. ബിസിനസിലും രാഷ്ട്രീയത്തിലും പി ആർ വർക്ക് പ്രധാനമായും നടത്തുന്നതും സമൂഹമാധ്യമങ്ങൾ കേന്ദ്രീകരിച്ചാണ്. രാഷ്ട്രീയ നേതാക്കളുടെ അനുയായികൾ നേതാവിനെ ബൂസ്റ്റ് ചെയ്യാനും ഇത്തരം വീഡിയോകൾ ഉപയോഗിക്കാറുണ്ട്.

ഇത്തരത്തിൽ കോൺഗ്രസ് പാലാ മണ്ഡലം പ്രസിഡന്റ് തോമസുകുട്ടി നെച്ചിക്കാട്ടിന് അഭിവാദ്യമർപ്പിച്ചുകൊണ്ട് ഒരു പ്രവർത്തകൻ പങ്കുവെച്ച വീഡിയോയാണ് ഇപ്പോൾ പാലായിലെ സമൂഹ മാധ്യമ ഗ്രൂപ്പുകളിൽ നിറയുന്നത്. പാർട്ടി ഓഫീസിനു മുന്നിൽ അടിഞ്ഞുകൂടിയ കരിയിലകൾ അദ്ദേഹം ചൂലുകൊണ്ട് തൂത്തുമാറ്റുന്നതാണ് വീഡിയോയിൽ കാണുന്നത്. “എ ലീഡർ വിത്തൗട്ട് പ്രിടെൻഷൻസ്” എന്ന ടെക്സ്റ്റും വീഡിയോയിൽ ഉൾപ്പെടുത്തിയിട്ടുണ്ട്.