“പാലായിലേക്ക് വാ… സോറി പാലായിലേക്ക് പോ… ജോസ് കെ മാണിയെ വിജയിപ്പിക്കുക എന്നതല്ല ഇവിടുത്തെ കാര്യം…”: ചാനൽ ചർച്ചയിൽ പങ്കെടുത്ത കേരള കോൺഗ്രസ് അനുഭാവിയെ ‘തേച്ചൊട്ടിച്ച്’ സ്മൃതി പരുത്തിക്കാട് – വീഡിയോ.

ന്യൂസ് ചാനലുകളിൾ ഇപ്പോൾ നിറയുന്നത് പുതുപ്പള്ളി വിശേഷങ്ങളാണ്. ഉപതെരഞ്ഞെടുപ്പ് പ്രമാണിച്ച് നിയോജകമണ്ഡലത്തിലെ ഓരോ പഞ്ചായത്തുകൾ കേന്ദ്രീകരിച്ചു കവലകൾ കേന്ദ്രീകരിച്ചും ചാനൽ ചർച്ചകളാണ് ഹൈലൈറ്റ് ആകുന്നത്. ഓരോ ചാനൽ ചർച്ചകൾക്കും പാർട്ടികളും മുന്നണികളും ആസൂത്രിതമായി ആളുകളെയും എത്തിക്കുന്നുണ്ട്.

ഇത്തരം ഒരു ചാനൽ ചർച്ചയിൽ കേരള കോൺഗ്രസ് ജോസ് കെ മാണി വിഭാഗം അനുഭാവിക്ക് സംഭവിച്ച അബദ്ധം ആണ് ഇപ്പോൾ വൈറൽ ആകുന്നത്. പുതുപ്പള്ളിയിലെ വികസന രാഹിത്യം ചൂണ്ടിക്കാട്ടാൻ അദ്ദേഹം പാലായുടെ വികസനമാണ് എടുത്തു കാണിക്കാൻ ശ്രമിച്ചത്. പാലായിൽ ഇത്രയെല്ലാം വികസനം കൊണ്ടുവന്നിട്ടും എന്തുകൊണ്ട് ജോസ് കെ മാണി തോറ്റു എന്ന് അവതാരകയുടെ മറു ചോദ്യത്തിനു മുമ്പിൽ പക്ഷേ ജോസ് കെ മാണിയുടെ അനുയായിക്ക് വാക്കുകളിടറി ഉത്തരം മുട്ടി. ഈ വീഡിയോയാണ് ഇപ്പോൾ കോൺഗ്രസ് സമൂഹമാധ്യമ പേജുകളിൽ ട്രോൾ ആയി ഉപയോഗിക്കുന്നത്. വീഡിയോ ചുവടെ കാണാം.