സുരക്ഷയും പുതിയ ഫീച്ചറുകളും മുൻനിര്‍ത്തി ഇടയ്ക്കിടെ അപ്‌ഡേറ്റുകള്‍ വരുത്തുന്ന ആപ്പ്ളിക്കേഷനാണ് വാട്സാപ്പ്. ഇത്തരത്തില്‍ ഒരു ഫീച്ചര്‍ കൂടി വാട്സാപ്പ് പുറത്തിറക്കിയിരിക്കുകയാണ്. ചാറ്റ് ഹിസ്റ്ററികള്‍ കൈമാറുന്നതിലാണ് വാട്സാപ്പ് പുതിയ ഫീച്ചര്‍ കൊണ്ടുവരുന്നത്. സാധാരണയായി ആളുകള്‍ പുതിയ ഫോണുകള്‍ വാങ്ങുമ്ബോള്‍ ചാറ്റുകള്‍ കൈമാറ്റം ചെയ്യുന്നതിനായി ക്ലൗഡ് അല്ലെങ്കില്‍ ബാക്കപ്പ് സംവിധാനങ്ങളെയാണ് ആശ്രയിക്കുക.
ഇത്തരത്തില്‍ ചെയ്യുമ്ബോള്‍ ഒരുപാട് സമയം നഷ്ടപ്പെടുന്നതായി വ്യാപകമായ പരാതിയുണ്ട്. ഇപ്പോള്‍ ഇതിന് ഒരു പരിഹാരവുമായി വാട്സാപ്പ് തന്നെ രംഗത്തെത്തിയിരിക്കുകയാണ്. ഒരു ഫോണില്‍ നിന്ന് മറ്റൊരു ഫോണിലേക്കു ചാറ്റുകള്‍ കൈമാറാൻ ഇനി ക്യൂആര്‍ കോഡ് ഉപയോഗിക്കാം എന്നതാണ് ഫീച്ചര്‍. അതായത് ചാറ്റുകള്‍ അയക്കേണ്ട ഫോണില്‍ നിന്ന് ചാറ്റുകള്‍ ഉള്ള ഫോണിലെ ക്യൂആര്‍ കോഡ് സ്കാൻ ചെയ്താല്‍ ഇനി എളുപ്പം ചാറ്റുകള്‍ കൈമാറാം. ഈ സംവിധാനം കൂടുതല്‍ സുരക്ഷയുള്ളതും കാര്യക്ഷമതയുള്ളതും ആയിരിക്കും എന്നാണ് പൊതുവെയുള്ള അഭിപ്രായം.
വലിയ മീഡിയ ഫയലുകള്‍ കൂടി എളുപ്പത്തോടെ കൈമാറാം എന്നത് ഈ ഫീച്ചറിന്റെ പ്രത്യേകതയാണ്. ക്യൂആര്‍ കോഡ് സംവിധാനം ഉപയോഗിക്കേണ്ട രീതി കൂടി ശ്രദ്ധിക്കണം. ചാറ്റ് ഹിസ്റ്ററി കൈമാറ്റം ചെയ്യപ്പെടേണ്ട ഫോണിലെ വാട്സ്ആപ്പ് തുറന്ന ശേഷം പുതിയ ഫോണിലെ സെറ്റിങ്‌സില്‍ നിന്ന് ചാറ്റ്, ചാറ്റ് ഹിസ്റ്ററി ട്രാന്‍സ്ഫര്‍ എന്നിവ ക്ലിക്ക് ചെയ്യുക. തുടര്‍ന്ന് പഴയഫോണില്‍ ക്യൂആര്‍ കോഡ് സ്‌കാന്‍ ചെയ്‌യുന്നതോടെ ചാറ്റ് ഹിസ്റ്ററി ട്രാന്‍സ്ഫര്‍ ആരംഭിക്കും.
