വളരെക്കാലം മുമ്ബ് അയച്ച മെസേജ് ചാറ്റില്‍ നിന്നും കണ്ടെത്തുകയെന്നത് വാട്ട്‌സ്‌ആപ്പില്‍ ഏറെ പ്രയാസകരമായ കാര്യമാണ്. ഇപ്പോഴിതാ ഇതിനൊരു പരിഹാരവുമായി എത്തിയിരിക്കുകയാണ് മെറ്റ. ഒരു സന്ദേശം തിരയുന്നതിനായി ഇനി പുതിയ തീയതി മാത്രം നല്‍കിയാല്‍ മതി. ആൻഡ്രോയിഡ്, ഐഒഎസ് ഉപയോക്താക്കള്‍ക്ക് നിലവില്‍ ഈ അപ്ഡേറ്റ് ലഭ്യമാണ്.
വർഷങ്ങളായി ഒരേ ഫോണില്‍ വാട്ട്സ്ആപ്പ് ഉപയോഗിക്കുന്നവർക്ക് പഴയ ചാറ്റ് കണ്ടുപിടിക്കുകയെന്നത് പ്രയാസകരമാണ്. മുമ്ബ് ചാറ്റ് ചെയ്ത മെസേജിലെ ഏതെങ്കിലും ഒരു വാക്ക് ഉപയോഗിച്ചാണ് ചാറ്റ് തിരഞ്ഞിരുന്നത്. ഇനിയിത് തീയതി ഉപയോഗിച്ചും കണ്ടെത്താനാകും.
തിരയേണ്ടത് എങ്ങനെ ?
ചാറ്റ് കണ്ടെത്തുന്നതിനായി അക്കൗണ്ട് അല്ലെങ്കില്‍ ഗ്രൂപ്പ് ഓപ്പണ്‍ ചെയ്യുക.
ശേഷം പേരില്‍ ക്ലിക്ക് ചെയ്യുക.
സെർച്ച്‌ ബട്ടണില്‍ ക്ലിക്ക് ചെയ്ത് മുകളില്‍ വലത് ഭാഗത്തായി കലണ്ടർ ഐക്കണ്‍ കാണാനാകും.
ഇത് തിരഞ്ഞൈടുത്ത് തീയതി നല്‍കിയാല്‍ ഈ ദിവസത്തെ സന്ദേശം കാണാനാകും.
