ആതുരസേവന സേവനത്തില് ധാര്മ്മിക സമീപനത്തിന് പേരുകേട്ട ലിസി മെഡിക്കല് ഇന്സ്റ്റിറ്റ്യൂഷന്സ്ന്റെ (എല്എംഐ, അഥവാ ലിസി ഹോസ്പിറ്റല്) 2022 സാമ്ബത്തിക വര്ഷത്തിലെ അറ്റാദായം 44 ശതമാനം വര്ധിച്ച് 50.09 കോടി രൂപയായി. 2020-21ല് (FY21) ലിസിയുടെ അറ്റാദായം 34.78 കോടി രൂപയായിരുന്നു.
എറണാകുളം ആസ്ഥാനമായുള്ള ഈ ആശുപത്രിയുടെ വരുമാനം കഴിഞ്ഞ ഒരു വര്ഷത്തിനിടെ 264.34 കോടി രൂപയില് നിന്ന് 309.50 കോടി രൂപയായി ഉയര്ന്നു; ഇത് 17 ശതമാനത്തിലേറെ വളര്ച്ചയാണ്.രണ്ടു വര്ഷം മുന്പ് ഏറ്റെടുത്ത പി വി എസ് ആശുപത്രിയുടെ പ്രവര്ത്തനങ്ങള് സുസ്ഥിരമാകുകയും ക്യാന്സര് ചികിത്സ (oncology) പോലുള്ള പുതിയ വിഭാഗങ്ങളില് നിന്നുള്ള വരുമാനം വര്ധിക്കുകയും ചെയ്യുന്നതോടെ ലിസിയുടെ വരുമാനം ഈ വര്ഷത്തോടെ 420 കോടി രൂപയായി ഉയരുമെന്ന് വിശ്വസിക്കുന്നതായി പ്രശസ്ത റേറ്റിംഗ് ഏജന്സിയായ ക്രിസില് അഭിപ്രായപ്പെട്ടു.
1956-ല് ആശുപത്രിയായി സ്ഥാപിതമായ ലിസി 1990-ല് പബ്ലിക് ചാരിറ്റബിള് ട്രസ്റ്റായി പുന:സ്ഥാപിച്ചു. നിലവില് സീറോ മലബാര് ഓറിയന്റല് കാത്തലിക് ചര്ച്ചിന്റെ കീഴിലുള്ള അങ്കമാലി അതിരൂപതയാണ് ഇതിന്റെ പ്രവര്ത്തനങ്ങള് നിയന്ത്രിക്കുന്നത്.2022 സാമ്ബത്തിക വര്ഷം വരെയുള്ള കഴിഞ്ഞ 3 വര്ഷമായി ആശുപത്രി 90 ശതമാനത്തിലധികം ചികിത്സ നിരക്ക് (occupancy rate) കാഴ്ചവെക്കുന്നുണ്ട്. എന്നിരുന്നാലും, അടുത്തിടെ കൊച്ചിയുടെ ആരോഗ്യമേഖലയില് പ്രവര്ത്തനമാരംഭിച്ച ഒരു പുതിയ ആശുപത്രി ശൃംഖലയില് നിന്നുള്ള മത്സരം കഠിനമായിരിക്കുമെന്നു വിദഗ്ധര് ഭയപ്പെടുന്നു.
അടുത്തകാലത്ത് ക്രിസില് ലിസിയുടെ ദീര്ഘകാല ബാങ്ക് റേറ്റിംഗ്സ് വീക്ഷണം പരിഷ്കരിച്ചു ‘സ്റ്റേബിളില്’ നിന്ന് ‘പോസിറ്റീവ്’ ആക്കുകയും ‘CRISIL A-‘ എന്ന റേറ്റിംഗ് വീണ്ടും സ്ഥിരീകരിക്കുകയും ചെയ്തു.