മുംബൈ: മുംബൈ മെട്രോ റെയിൽ കോർപ്പറേഷൻ (എംഎംആർസി) 2025 മാർച്ചോടെ മെട്രോ 3 ശൃംഖലയുടെ മറ്റൊരു സുപ്രധാന ഘട്ടം ആരംഭിക്കാൻ ഒരുങ്ങുന്നു,ധാരാവി, ഷിത്ലാദേവി, ദാദർ, സിദ്ധിവിനായക്, വർളി, ആചാര്യ അത്രെ ചൗക്ക് എന്നീ ആറ് പ്രധാന സ്റ്റേഷനുകൾ ഉൾക്കൊള്ളുന്നതാണ് രണ്ടാം ഘട്ടം. സുപ്രധാന നഗര കേന്ദ്രങ്ങൾ, വിദ്യാഭ്യാസ സ്ഥാപനങ്ങൾ,പ്രശസ്ത അമ്പലങ്ങളും പള്ളികളും നിലനിൽക്കുന്ന പ്രദേശങ്ങൾ , കോർപ്പറേറ്റ് ഓഫീസുകൾ, തിരക്കേറിയ വാണിജ്യ മേഖലകൾ എന്നിവിടങ്ങളിലൂടെ യാണ് ഈ പാത പോകുന്നത്.
പൊതുവെ ഉയർന്ന ജനസാന്ദ്രതയുള്ള പ്രദേശങ്ങളായ ഇവിടം പൊതുഗതാഗത സൗകര്യങ്ങൾ വർധിപ്പിക്കുന്നത് ആയിരകണക്കിന് പേർക്ക് യാത്രാ ഗുണപ്രദമാകും.”2025 മാർച്ചോടെ ഈ 9.7 കിലോമീറ്റർ ഭാഗം തുറക്കാൻ ഞങ്ങൾ പദ്ധതിയിടുന്നു. ട്രാക്ക്-ലേയിംഗ്, ഓവർഹെഡ് കാറ്റനറി സിസ്റ്റം (OHE) ജോലികൾ പൂർത്തിയായി, ശേഷിക്കുന്ന , സിഗ്നലിംഗ് ഇൻസ്റ്റാളേഷനുകൾ ഉടൻ പൂർത്തിയാക്കും.സോഫ്റ്റ്വെയർ അപ്ഡേറ്റുകൾക്കായി ഡാറ്റ ശേഖരിക്കുന്നതിനായി ആചാര്യ അത്രെ ചൗക്ക് സ്റ്റേഷനിൽ രണ്ട് ദിശകളിലും ട്രെയിനുകൾ പ്രവർത്തിപ്പിക്കുന്ന ട്രയൽ റണ്ണുകൾ ഇതിനകം ആരംഭിച്ചിട്ടുണ്ട്”.MMRC യുടെ പ്രോജക്ട് ഡയറക്ടർ എസ് കെ ഗുപ്ത പറഞ്ഞു.
അന്തിമ അനുമതിക്കായി മെട്രോ റെയിൽ സുരക്ഷാ കമ്മീഷണർക്ക് (സിഎംആർഎസ്) അപേക്ഷ സമർപ്പിക്കാൻ എംഎംആർസി തയ്യാറെടുക്കുകയാണ്. Aare-JVLR-BKC വിഭാഗത്തിനായുള്ള ഒന്നാം ഘട്ട ട്രയലുകളിൽ റോളിംഗ് സ്റ്റോക്ക് ക്ലിയർ ആയതിനാൽ ഈ പ്രക്രിയ അതിവേഗം നീങ്ങുമെന്ന് പ്രതീക്ഷിക്കുന്നു. 2024 ഒക്ടോബർ 5-ന് പ്രവർത്തനം ആരംഭിച്ച മെട്രോ 3-ൻ്റെ ആദ്യ ഘട്ടത്തിൽ ഏകദേശം 22,000 യാത്രക്കാരുടെ പ്രതിദിനം യാത്ര ചെയ്യുന്നതായാണ് കണക്കുകൾ സൂചിപ്പിക്കുന്നത്.എന്നാൽ ജനസാന്ദ്രത കൂടുതലുള്ള പ്രദേശങ്ങളിൽ മെട്രോ 3 എത്തുമ്പോൾ ഈ കണക്ക് ഗണ്യമായി ഉയരുമെന്ന് പ്രതീക്ഷിക്കുന്നു.
