ഭാരത് മാതാ കീ ജയ് വിളിച്ചതിന് ബിജെപി പ്രവർത്തകരെ വെട്ടിപ്പരിക്കേല്‍പ്പിച്ചു. കർണാടകയിലെ മംഗളൂരുവിലാണ് സംഭവം. സ്കൂട്ടറില്‍ പോയവരെ ഒരു കൂട്ടം ആളുകള്‍ പിന്തുടർന്ന് ആക്രമിക്കുകയായിരുന്നു. സംഭവത്തിന്റെ വീഡിയോ ബിജെപി കർണാടക ഔദ്യോഗിക പേജില്‍ പങ്കുവച്ചിട്ടുണ്ട്.
ഹരീഷ്(41), നന്ദകുമാർ(24) എന്നിവർക്കാണ് വെട്ടേറ്റത്. ഇവർ സ്വകാര്യാശുപത്രിയില്‍ ശസ്ത്രക്രിയക്ക് വിധേയരായി.തലയില്‍ കാവി തുവാല കെട്ടിയിരുന്ന യുവാക്കളെയാണ് ആള്‍ക്കൂട്ടം പിന്തുടർന്ന് ആക്രമിച്ചത്. കർണാടകയില്‍ ഭാരത് മാതാ കീ വിളിക്കുന്നത് സുരക്ഷിതമല്ലെന്ന തലക്കെട്ടോടെയാണ് ബിജെപി വീഡിയോ പങ്കുവച്ചിരിക്കുന്നത്.സിദ്ധരാമയ്യ സർക്കാരിനെതിരെ രൂക്ഷ വിമർശനവും ഉയർത്തിയിട്ടുണ്ട്.
It feels like the Thuglak era is back in Karnataka, where shouting "Bharat Mata Ki Jai" is no longer safe. The growing hatred for Bharath under @siddaramaiah is deeply alarming. BJP workers Harish Anchan and Nandakumar, who were celebrating PM Modi's electoral victory and… pic.twitter.com/hy63GJjHsB
— BJP Karnataka (@BJP4Karnataka) June 10, 2024
സംഭവത്തില്‍ മുപ്പതോളം പേർക്ക് പങ്കുണ്ടെന്ന് പൊലീസ് പറഞ്ഞു. അഞ്ചുപേരെ പിടികൂടിയിട്ടുണ്ട്. മുഹമ്മദ് ഷാക്കിർ (28), അബ്ദുള്‍ റസാഖ് (40), അബൂബക്കർ സിദ്ദിഖ് (35), സവാദ് (18), മോനു എന്ന ഹഫീസ് (24) എന്നിവരാണ് അറസ്റ്റിലായതെന്ന് പൊലീസ് കമ്മീഷണർ അനുപം അഗർവാള്‍ പറഞ്ഞു.
