വീട്ടിലേക്ക് കയറി വന്ന് കുശലം പറഞ്ഞ അതിഥിയെ കണ്ടു അമ്പരന്ന് വീട്ടുകാർ; ഷൂട്ടിങ്ങിന്റെ ഇടവേളയിൽ മമ്മൂട്ടി ഒരു കുടുംബത്തെ മുഴുവൻ അത്ഭുതപ്പെടുത്തിയത് ഇങ്ങനെ: വീഡിയോ കാണാം.

സിനിമ ഷൂട്ടിന്‍റെ ഇടവേളയില്‍ അപ്രതീക്ഷിതമായി ഒരു വീട്ടിലേയ്ക്ക് കുശലം പറ‌യാൻ കയറിച്ചെന്ന മമ്മൂട്ടിയുടെ വീഡിയോയാണ് ഇപ്പോള്‍ സമൂഹമാധ്യമത്തില്‍ വൈറലായിരിക്കുന്നത്. കാതല്‍ സിനിമയുടെ ഷൂട്ടിനിടെയാണ് സംഭവം.

പ്രൊഡക്‌ഷൻ ഡിസൈനർ ഷാജി നടുവില്‍ പങ്കുവച്ചതാണ് വീഡിയോ. സ്കൂട്ടറില്‍ മമ്മൂട്ടി സഞ്ചരിക്കുന്ന ദൃശ്യങ്ങള്‍ എടുക്കുന്നതിനു വേണ്ടി അണിയറപ്രവർത്തകരുടെ ഒരു സംഘം സഞ്ചരിക്കുന്നതിനിടയിലാണ് സമീപത്തുള്ള വീട്ടില്‍ മമ്മൂട്ടിയും ഷൂട്ടിംഗ് സംഘവും കയറിയത്.