നിര്‍മാതാവും നടനുമായ റോബര്‍ട്ട് ഇവാന്‍സിനെതിരേ ആരോപണവുമായി നടി ഷാരോണ്‍ സ്‌റ്റോണ്‍ രംഗത്ത്. 1993 ല്‍ പുറത്തിറങ്ങിയ സില്‍വര്‍ എന്ന സിനിമയുടെ ചിത്രീകരണത്തിനിടെയാണ് സംഭവമെന്ന് ഷാരോണ്‍ സ്‌റ്റോണ്‍ വ്യക്തമാക്കി. സിനിമയിലെ ഒരു സെക്‌സ് രംഗത്തിന്റെ പൂര്‍ണതയ്ക്ക് വേണ്ടി സഹതാരം ബില്ലി ബാള്‍ഡ്‌വിന്നിനൊപ്പം കിടക്കപങ്കിടാന്‍ ഇവാന്‍സ് തന്നെ നിര്‍ബന്ധിച്ചെന്ന് ഷാരോണ്‍ ആരോപിച്ചത്. ഒരു പോഡ് കാസ്റ്റിലായിരുന്നു ഷാരോണിന്റെ വെളിപ്പെടുത്തല്‍.
‘എന്നെ ഇവാന്‍സ് ഓഫീസിലേക്ക് വിളിപ്പിച്ചു. ബാള്‍ഡ്‌വിന്നിനൊപ്പം കിടക്ക പങ്കിടാന്‍ ആവശ്യപ്പെട്ടു. ഞാന്‍ അങ്ങനെ ചെയ്താല്‍ ബാള്‍ഡ്‌വിന്നിന്റെ പ്രകടനം കുറച്ചുകൂടി മെച്ചപ്പെടുമെന്ന് ഇവാന്‍സ് പറഞ്ഞു’, ഷാരോണ്‍ പറഞ്ഞു.ഷാരോണിന്റെ ആരോപണത്തിനെതിരേ ബാള്ഡ്വിന് രംഗത്ത് വന്നിട്ടുണ്ട്. ഇത്രയും വര്‍ഷങ്ങള്‍ക്ക് ശേഷം ഷാരോണ്‍ ഇത്തരത്തിലുള്ള ഒരു ആരോപണം ഉന്നയിക്കുന്നതിന്റെ ലക്ഷ്യം തനിക്ക് മനസ്സിലാകുന്നില്ലെന്ന് ബാള്ഡ്വിന് പറഞ്ഞു.
തന്നോട് ഷാരോണിന് തോന്നി‌യ ക്രഷ് ഇതുവരെ മാറിയില്ലേ എന്നാണ് ബാള്ഡ്വിന് ചോദിക്കുന്നത്. ‘ഷാരോണിന്റെ പ്രലോഭനത്തില്‍ താന്‍ വീഴാത്തത് കൊണ്ടുള്ള വേദന ഇപ്പോഴും മാറിയില്ല. ഷരോണിന്റെ മേല്‍ ചെളിവാരിയെറാനുള്ള ഒരുപാട് കാര്യങ്ങള്‍ എനിക്കറിയാം. പക്ഷേ നിശബ്ദനായിക്കുകയാണ്’, ബാള്ഡ്വിന് പറഞ്ഞു.
ഈ സംഭവം ഷാരോണ്‍ നേരത്തേ വെളിപ്പെടുത്തിയിട്ടുണ്ടെങ്കിലും സിനിമയുടെയോ നടന്റെയോ നിര്‍മാതാവിന്റെയോ പേരോ പറഞ്ഞിട്ടില്ല. റോബര്‍ട്ട് ഇവാന്‍സ് 2019 ല്‍ അന്തരിക്കുകയും ചെയ്തു.ജീവിച്ചിരിപ്പില്ലാത്ത ഒരാളെക്കുറിച്ച്‌ ആരോപണങ്ങള്‍ ഉയര്‍ത്തുന്നത് ഏകപക്ഷീയമാണെന്നും വിമര്‍ശകര്‍ ആരോപിക്കുന്നു.റോസ്‌മെരീസ് ബേബി, ലൗവ് സ്‌റ്റോറി, ഗോഡ് ഫാദര്‍, ചൈനടൗണ്‍ എന്നീ ചിത്രങ്ങളിലെ കഥാപാത്രങ്ങളിലൂടെ ശ്രദ്ധേയനായ നടന്‍ കൂടിയാണ് റോബര്‍ട്ട് ഇവാന്‍സ്. ഒരുപാട് സിനിമകളും അദ്ദേഹം നിര്‍മിച്ചിട്ടുണ്ട്.
