പത്മജ വേണുഗോപാലിന്റെ തീരുമാനം ദൗർഭാഗ്യകരമെന്ന് കോണ്ഗ്രസ് നേതാവും വടകര എം.പിയുമായ കെ. മുരളീധരൻ. പത്മജയ്ക്ക് കോണ്ഗ്രസ് മുന്തിയ പരിഗണനയാണ് നല്കിയതെന്നും അദ്ദേഹം പറഞ്ഞു. 52,000 വോട്ടിന് കെ. കരുണാകരൻ ജയിച്ച മുകുന്ദപുരത്ത് ഒന്നരലക്ഷം വോട്ടിന് പത്മജ നമ്ബാടനോട് പരാജയപ്പെട്ടു.
പന്തീരായിരം വോട്ടിന് തേറമ്ബില് രാമകൃഷ്ൻ വിജയിച്ച സീറ്റില് ഏഴായിരം വോട്ടിന് പരാജയപ്പെട്ടു. കഴിഞ്ഞ നിയമസഭയില് തൃശ്ശൂരില് ത്രികോണമത്സരത്തില് 1,000 വോട്ടിന് പരാജയപ്പെട്ടു. ചില വ്യക്തികള് കാലുവാരിയാല് തോല്ക്കുന്നതാണോ ഒരു തിരഞ്ഞെടുപ്പ്. അങ്ങനെയെങ്കില് എന്നെ ഒരുപാട് പേര് കാലുവാരിയിട്ടുണ്ട്. ഞാൻ പരാതിപ്പെടാൻ പോയിട്ടില്ല’, കെ. മുരളീധരൻ പറഞ്ഞു.
പത്മജ പറഞ്ഞ ഒരുകാരണത്തിനും അടിസ്ഥാനമില്ല. ഇത്രയും വളർത്തിവലുതാക്കിയ പാർട്ടിയല്ലേ കോണ്ഗ്രസ്. കോണ്ഗ്രസുവിട്ടുപോയപ്പോള് എല്ഡിഎഫും യുഡിഎഫും എടുക്കാത്ത കാലത്ത് ബിജെപിയുമായി താൻ കോംപ്രമൈസ് ചെയ്തിട്ടില്ല. കെ കരുണാകരൻ ഒരുകാലത്തും വർഗീയതയോട് സന്ധിചെയ്തിട്ടില്ല. അങ്ങനെയുള്ള കരുണാകരന്റെ കുടുംബത്തില്നിന്ന് ഒരാളെ ബിജെപിക്ക് കിട്ടിയെന്ന് പറയുന്നത് മതേതരവിശ്വാസികള്ക്ക് ദുഃഖം നല്കുന്ന കാര്യമാണെന്നും അദ്ദേഹം വ്യക്തമാക്കി.
പത്മജയുമായി ഇനി സഹോദരി എന്ന നിലയില് പോലും ബന്ധമില്ലെന്നും കെ മുരളീധരൻ പറഞ്ഞു. പത്മജയുടെ തീരുമാനം ചതിയാണെന്നും അംഗീകരിക്കാനാവാത്തതെന്നും കെ മുരളീധരൻ പറയുന്നു. വടകരയില് മത്സരിക്കുമെന്നും ജനങ്ങള്ക്ക് വര്ഗീയതക്കെതിരായ തന്റെ നിലപാട് അറിയാമെന്നും കെ മുരളീധരൻ പറഞ്ഞു.