സാനിയ മിർസയുടെയും, കുഞ്ഞിന്റെയും ജീവിതം മുന്നോട്ടു പോകാൻ ഷോയിബ് മാലിക്കിന്റെ ഔദാര്യം വേണ്ട; ഇന്ത്യയുടെ ടെന്നീസ് താരം അതീവ സമ്പന്ന: സാനിയയുടെ ആസ്തിയും, സമ്പത്തും – വിശദാംശങ്ങൾ വായിക്കാം.

സാധാരണ കുടുംബ പശ്ചാത്തലത്തില്‍ നിന്ന് വന്ന സാനിയ വിജയകരമായ ടെന്നീസ് കരിയറില്‍ സമ്മാനത്തുകയായും പരസ്യങ്ങളില്‍ നിന്നുള്ള വരുമാനമായും കോടികളാണ് സമ്ബാദിച്ചത്. കഴിഞ്ഞ വര്‍ഷം അവസാനം പുറത്തുവന്ന റിപ്പോര്‍ട്ടുകള്‍ പ്രകാരം സാനിയയുടെ ആകെ അസ്തിമൂല്യമായി കണക്കാക്കിയിരിക്കുന്നത് 26 മില്യണ്‍ ഡോളറാണ്(ഏകദേശം 210 കോടി രൂപ).

ഇതില്‍ മത്സരടെന്നീസിലെ സമ്മാനത്തുകയായി ലഭിച്ചത് 52 കോടി രൂപയാണെങ്കില്‍ കൂടുതൽ വരുമാനവും എത്തിയത് പരസ്യങ്ങളിലൂടെയാണെന്ന് ബ്രിഡ്ജിന്‍റെ റിപ്പോര്‍ട്ടില്‍ പറയുന്നു. 2015ല്‍ ൺ ഒരു ബ്രാന്‍ഡിന്‍റെ അംബാസഡറാകുന്നതിന് സാനിയ ഒരു വര്‍ഷത്തേക്ക് 60 മുതല്‍ 75 ലക്ഷം രൂപവരെയാണ് ഈടാക്കിയിരുന്നത്. ടാറ്റ ടീ, ടിവിഎസ് സ്കൂട്ടി, ബോണ്‍വിറ്റ തുടങ്ങിയ പ്രമുഖ ബ്രാന്‍ഡുകളുടെ പരസ്യങ്ങളിലെ സ്ഥിരം മുഖമായിരുന്നു സാനിയ. ടെന്നീസില്‍ നിന്നും പരസ്യങ്ങളില്‍ നിന്നുമായി സാനിയക്ക് ഒരു വര്‍ഷം 25 കോടി രൂപയാണ് വരമാനമായി ലഭിച്ചിരുന്നതെന്ന് ഇക്കോണമിക് ടൈംസിന്‍റെ റിപ്പോര്‍ട്ടില്‍ പറയുന്നു.

2010ലാണ് സാനിയ പാക് ക്രിക്കറ്റ് താരമായ ഷൊയ്ബ് മാലിക്കിനെ വിവാഹം കഴിച്ചത്. ഈ ബന്ധത്തില്‍ ഇവര്‍ക്കു ഒരു കുട്ടിയുമുണ്ട്. 2018ല്‍ അമ്മയായശേഷം കരിയറില്‍ ഇടവേളയെടുത്തെങ്കിലും പിന്നീട് സാനിയ പ്രഫഷണല്‍ ടെന്നീസില്‍ മടങ്ങിയെത്തിയിരുന്നു. യുഎഇയില്‍ സ്ഥിര താമസമാക്കിയ സാനിയയും ഷൊയ്ബും കുറച്ചു കാലമായി പിരിഞ്ഞാണ് താമസിച്ചിരുന്നതെങ്കിലും കഴിഞ്ഞ വര്‍ഷം ദുബായില്‍ മകന്‍റെ ജന്മദിനം ആഘോഷിച്ചപ്പോള്‍ ഇരുവരും ഒരുമിച്ചിരുന്നു. മുമ്ബ് പലപ്പോഴും സോഷ്യല്‍ മീഡിയ പോസ്റ്റുകളിലൂടെ സാനിയ ഷൊയ്ബുമായുള്ള ബന്ധത്തിലെ വിള്ളലുകളെക്കുറിച്ച്‌ സൂചനകള്‍ നല്‍കിയിരുന്നെങ്കിലും ഷൊയ്ബ് വീണ്ടും വിവാഹിതനായെന്ന വാര്‍ത്ത ആരാധകരെ ഞെട്ടിച്ചിരുന്നു.