അവതാരക നിരന്തരം വേദിയിലേക്ക് ക്ഷണിച്ചിട്ടും, മുഖം പൊത്തിയിരുന്നും, കൈകൂപ്പിക്കാട്ടിയും ക്ഷണം നിരസിച്ച് കെ എസ് ചിത്രയുടെ സഹോദരി; തനിക്ക് അമ്മയുടെ സ്ഥാനത്ത് എന്നും, ചേച്ചി താൻ പാടുമ്പോൾ വേദിയിലുള്ളത് പോസിറ്റീവ് എനർജി എന്നും, സിനിമയിൽ ചേച്ചി പാടാഞ്ഞത് നാണം കൊണ്ടെന്നും തുറന്നുപറഞ്ഞ് കെ എസ് ചിത്ര: സമൂഹമാധ്യമങ്ങളിൽ വൈറലാകുന്ന വീഡിയോ.

മലയാളികളുടെ പ്രിയപ്പെട്ട ഗായികയാണ് കെ എസ് ചിത്ര. ചിത്രയെപ്പോലെതന്നെ മികച്ചൊരു പാട്ടുകാരിയാണ് സഹോദരി ബീനയും. എന്നാല്‍ തൻറേതായ സ്വകാര്യതയില്‍ ജീവിക്കാൻ ഇഷ്ടപ്പെടുന്ന ആളാണ് ബീന. ചേച്ചിക്ക് വേദിയില്‍ പാടാൻ പേടിയാണെന്നും വല്ലപ്പോഴുമെങ്കിലും പാടുന്നുണ്ടെങ്കില്‍ അത് തന്റെ നിര്‍ബന്ധത്തിന് വഴങ്ങിയാണെന്നും ചിത്ര മുൻപ് പറഞ്ഞിട്ടുണ്ട്.

ചിത്രയുടെ അറുപതാം പിറന്നാളിനായിരുന്നു ബീന കാമറയ്ക്ക് മുൻപിലെത്തിയത്. തന്റെ ബേബിയാണ് ചിത്ര എന്നും ചിത്ര പാടുന്നത് കേട്ടിരിക്കാനും നന്നായി വരാൻ പ്രാര്ഥിക്കാനുമാണ് തനിക്ക് കൂടുതല്‍ ഇഷ്ടം എന്ന് ബീന അന്ന് പറഞ്ഞിരുന്നു. യൂണിവേഴ്സിറ്റി കലോത്സവത്തിൽ അഞ്ചുവർഷം തുടർച്ചയായി ലളിതഗാനത്തിനും ഒന്നാം സാമ്മാനം നേടിയ വ്യക്തിയാണ് കെ എസ് ചിത്രയുടെ സഹോദരി ബീന.