മുഖ്യമന്ത്രിക്കെതിരെ ഷൂ എറിഞ്ഞ സംഭവം റിപ്പോര്ട്ട് ചെയ്തു.ട്വന്റിഫോര് റിപ്പോര്ട്ടര് വിനീത വി.ജിക്കെതിരെ കേസെടുത്ത് കുറുപ്പംപടി പൊലീസ്. ഷൂസ് എറിഞ്ഞവര്ക്കെതിരെ ചുമത്തിയിരിക്കുന്ന ഐപിസി 120(ബി), 283, 308, 353, 34 എന്നീ വകുപ്പുകള് പ്രകാരമാണ് വിനീതയ്ക്കെതിരെ കേസെടുത്തിരിക്കുന്നത്. പ്രതികള്ക്കെതിരെ നിലനില്ക്കില്ലെന്ന് കോടതി വിലയിരുത്തിയ അതേ വകുപ്പുകളാണ് നിലവില് മാധ്യമപ്രവര്ത്തകയ്ക്കെതിരെ കുറുപ്പംപടി സിഐയും ചുമത്തിയിരിക്കുന്നത്.
നവകേരള സദസിനെതിരായ പ്രതിപക്ഷ യുവജന പ്രതിഷേധം റിപ്പോര്ട്ട് ചെയ്തതിന് കേസില് അഞ്ചാം പ്രതിയാണ് വിനീത. ചോദ്യം ചെയ്യലിന് ഹാജരാകണമെന്ന് ചൂണ്ടിക്കാട്ടി നേരത്തെ പൊലീസ് നോട്ടിസ് നല്കിയിരുന്നു.മാധ്യമ സ്വാതന്ത്ര്യത്തിന് മേലുള്ള കടന്നു കയറ്റമാണ് ഇതെന്നും, ഇത്തരം വിഷയത്തില് കെയുഡബ്ല്യുജെക്ക് ഉറച്ച നിലപാടാണ് ഉള്ളതെന്നുംKUWJ സെക്രട്ടറി കിരണ് ബാബു പറഞ്ഞു.