കുവൈത്തില് വേശ്യാവൃത്തിയില് ഏര്പ്പെട്ട 30 പ്രവാസികള് അറസ്റ്റില്. പൊതു ധാര്മ്മികതയ്ക്ക് വിരുദ്ധമായുള്ള പ്രവര്ത്തനങ്ങള് നടക്കുന്നുണ്ടോയെന്ന് കണ്ടെത്താന് ക്രിമിനല് ഇന്വെസ്റ്റിഗേഷന് വിഭാഗം അധികൃതര് സോഷ്യല് മീഡിയ, മസാജ് പാര്ലറുകള് എന്നിവ നിരീക്ഷിച്ച് വരികയായിരുന്നു.
ഇതിന്റെ ഭാഗമായി വ്യത്യസ്ത കേസുകളില് 30 പ്രവാസികളെയാണ് അറസ്റ്റ് ചെയ്തത്. രാജ്യത്തിന്റെ വിവിധ പ്രദേശങ്ങളില് നിന്നായി 15 വ്യത്യസ്ത കേസുകളിലായാണ് 30 പ്രവാസികളെ ആഭ്യന്തര മന്ത്രാലയ ഉദ്യോഗസ്ഥര് അറസ്റ്റ് ചെയ്തത്. പൊതു ധാര്മ്മികതയ്ക്ക് വിരുദ്ധമായി വേശ്യാവൃത്തിയില് ഏര്പ്പെട്ടതുമായി ബന്ധപ്പെട്ട കുറ്റങ്ങള് ചുമത്തിയാണ് ഇവരെ അറസ്റ്റ് ചെയ്തത്. അതേസമയം കഴിഞ്ഞ ദിവസം കുവൈത്തില് വിവിധ പ്രദേശങ്ങളില് മദ്യ നിര്മ്മാണവുമായി ബന്ധപ്പെട്ട കേസുകളില് 12 പ്രവാസികള് അറസ്റ്റിലായിരുന്നു. ഏഴ് വ്യത്യസ്ത കേസുകളിലായാണ് പ്രതികള് പിടിയിലായിട്ടുള്ളതെന്ന് അധികൃതര് അറിയിച്ചു.
അതേസമയം കഴിഞ്ഞ ദിവസം കുവൈത്തില് വിവിധ പ്രദേശങ്ങളില് മദ്യ നിര്മ്മാണവുമായി ബന്ധപ്പെട്ട കേസുകളില് 12 പ്രവാസികള് അറസ്റ്റിലായിരുന്നു. ഏഴ് വ്യത്യസ്ത കേസുകളിലായാണ് പ്രതികള് പിടിയിലായിട്ടുള്ളതെന്ന് അധികൃതര് അറിയിച്ചു. ഏഷ്യക്കാരാണ് അറസ്റ്റിലായത്.
പ്രാദേശികമായി മദ്യം ഉല്പ്പാദിപ്പിക്കുന്നതായും വില്പ്പന നടത്തുന്നതായും വിവരങ്ങള് ലഭിച്ചതിനെ തുടര്ന്ന് നടത്തിയ പരിശോധനയിലാണ് ഇവരെ അറസ്റ്റ് ചെയ്തത്. മദ്യം ഉല്പ്പാദിപ്പിക്കാൻ വേണ്ട സജ്ജീകരണങ്ങളുള്ള ആറ് അപ്പാര്ട്ട്മെന്റുകളില് അധികൃതര് റെയ്ഡ് നടത്തി. പ്രാദേശികമായി നിര്മ്മിച്ച 7854 കുപ്പി മദ്യം, മദ്യനിര്മ്മാണത്തിന് ഉപയോഗിക്കുന്ന 116 ബാരല് അസംസ്കൃത വസ്തുക്കള് എന്നിവയും പിടിച്ചെടുത്തു. പ്രതികളെയും പിടിച്ചെടുത്ത വസ്തുക്കളും ബന്ധപ്പെട്ട അതോറിറ്റിയിലേക്ക് കൈമാറി.