ഏറെ വിവാദങ്ങള്ക്കും വാര്ത്തകള്ക്കും ഒടുവില് രാഹുല് ഗാന്ധി പാര്ലമെന്റില് തിരിച്ചെത്തിയത് കഴിഞ്ഞദിവസമാണ്. അവിശ്വാസ പ്രമേയത്തില് മണിപ്പൂര് വിഷയം അവതരിപ്പിച്ച് തന്റെ വരവറിയിക്കുകയും ചെയ്തു. ഇതിനിടെ വനിതാ പാര്ലമെന്റ് അംഗങ്ങള്ക്ക് ഫ്ളൈയിംഗ് കിസ് നല്കിയെന്ന വിവാദത്തിലും പെട്ടു.
ഇപ്പോഴിതാ സമൂഹമാദ്ധ്യമങ്ങളില് പങ്കുവച്ച ചിത്രങ്ങളിലൂടെ തന്റെ മറ്റൊരു മുഖം കൂടി വെളിപ്പെടുത്തിയിരിക്കുകയാണ് രാഹുല് ഗാന്ധി.സാധാരണയായി വെള്ളനിറത്തിലെ കുര്ത്തയിലും വെള്ള ടീഷര്ട്ടിലും കാണാറുള്ള രാഹുല് ഗാന്ധി ഫ്രീക്കൻ ലുക്കില് യാത്ര പോകുന്ന ചിത്രങ്ങളാണ് സമൂഹമാദ്ധ്യമങ്ങളില് പങ്കുവച്ചിരിക്കുന്നത്. അടുത്തിടെ സ്വന്തമാക്കിയ കെ ടി എം ഡ്യൂക്ക് ബൈക്കില് യുവാക്കളുടെ സംഘത്തോടൊപ്പമാണ് യാത്ര. ഈ യാത്രയുടെ ചിത്രങ്ങള് ഏറെ ശ്രദ്ധയാകര്ഷിക്കുകയാണ്.