ഉത്തരാഖണ്ഡിലെ ഹല്‍ദ്വാനിയിലെ ജയിലില്‍ ഒരു വനിത തടവുകാരി ഉള്‍പ്പടെ 44 തടവുകാര്‍ക്ക് ഹ്യൂമന്‍ ഇമ്മ്യൂണോ ഡെഫിഷ്യന്‍സി വൈറസ് ( എച്ച്‌ ഐ വി ) സ്ഥിരീകരിച്ചതായി റിപ്പോര്‍ട്ട്. സുശീല തിവാരി ആശുപത്രിയിലെ ഡോ പ്രേംജിത്ത് സിംഗാണ് ഇക്കാര്യം അറിയിച്ചത്. ജയിലില്‍ എച്ച്‌ ഐ വി പോസിറ്റീവ് തടവുകാരുടെ എണ്ണം ക്രമാതീതമായി വര്‍ധിക്കുന്നുണ്ടെന്നും ഇത് ജയില്‍ ഭരണത്തില്‍ പോരായ്മയാണെന്നും ഡോ പ്രേംജിത്ത് സിംഗ് വ്യക്തമാക്കി.
എച്ച്‌ ഐ വി രോഗികള്‍ക്കായി ഒരു എ ആര്‍ ടി (ആന്റിട്രോവൈറല്‍ തെറാപ്പി) സെന്റര്‍ ആരംഭിച്ചിട്ടുണ്ടെന്ന് ഡോക്ടര്‍ അറിയിച്ചു. അവിടെയാണ് രോഗബാധിതരായ തടവുകാരെ ചികിത്സിക്കുന്നത്. തടവുകാരെ ഞങ്ങളുടെ മെഡിക്കല്‍ സംഘം നിരന്തരം നിരീക്ഷിച്ചു കൊണ്ടിരിക്കുകയാണെന്നും ഡോ പ്രേംജിത്ത് സിംഗ് വ്യക്തമാക്കി. എച്ച്‌ ഐ വി രോഗികള്‍ക്കായി ഒരു എ ആര്‍ ടി (ആന്റിട്രോവൈറല്‍ തെറാപ്പി) സെന്റര്‍ ആരംഭിച്ചിട്ടുണ്ടെന്ന് ഡോക്ടര്‍ അറിയിച്ചു. അവിടെയാണ് രോഗബാധിതരായ തടവുകാരെ ചികിത്സിക്കുന്നത്. തടവുകാരെ ഞങ്ങളുടെ മെഡിക്കല്‍ സംഘം നിരന്തരം നിരീക്ഷിച്ചു കൊണ്ടിരിക്കുകയാണെന്നും ഡോ പ്രേംജിത്ത് സിംഗ് വ്യക്തമാക്കി.
ദേശീയ എയ്ഡ്സ് കണ്‍ട്രോള്‍ ഓര്‍ഗനൈസേഷന്റെ മാര്‍ഗ്ഗനിര്‍ദ്ദേശങ്ങള്‍ അനുസരിച്ച്‌ എച്ച്‌ ഐ വി ബാധിതരായ ഏതൊരു തടവുകാരനും സൗജന്യ ചികിത്സയും മരുന്നുകളും നല്‍കണം. മുഴുവന്‍ തടവുകാര്‍ക്കും സൗജന്യ ചികിത്സയാണ് നല്‍കിവരുന്നത്. ജയിലില്‍ നിലവില്‍ 1629 പുരുഷ തടവുകാരും 70 വനിത തടവുകാരുമാണുള്ളത്.
ഇത്രയധികം തടവുകാര്‍ക്ക് എച്ച്‌ ഐ വി പോസിറ്റീവ് ആണെന്ന് കണ്ടെത്തിയതിനെത്തുടര്‍ന്ന്, തടവുകാരില്‍ പതിവ് പരിശോധന ശക്തമാക്കുന്നുണ്ട്. എച്ച്‌ ഐ വി ബാധിതരായ തടവുകാര്‍ക്ക് യഥാസമയം ചികിത്സ നല്‍കുന്നുണ്ടെന്നും ഡോക്ടര്‍ വ്യക്തമാക്കുന്നു. അതേസമയം, എച്ച്‌ ഐ വി ബാധിച്ചാല്‍ മനുഷ്യന് രോഗ പ്രതിരോധശേഷി നഷ്ടപ്പെടുകയും തത്ഫലമായി മറ്റു മാരക രോഗങ്ങള്‍ പിടിപെടുകയും ചെയ്യുന്ന അവസ്ഥയിലേക്ക് കടക്കുന്നു.
