മലപ്പുറത്ത് അമ്മയും മകളും മുങ്ങി മരിച്ചു; അമ്മ മരിച്ചത് മുങ്ങിത്താണ മകളെ രക്ഷിക്കാനുള്ള ശ്രമത്തിനിടെ: വിശദാംശങ്ങൾ വായിക്കാം.

മലപ്പുറത്ത് അമ്മയും മകളും മുങ്ങിമരിച്ചു. മൈലപ്പുറം സ്വദേശിയായ ഫാത്തിമ ഫായിസ( 30), മകള്‍ ഫിദ ഫാത്തിമ (7) എന്നിവരാണ് മരിച്ചത്. മലപ്പുറം നൂറടിക്കടവ് വിഐപി കോളനിക്കടവില്‍ ഉച്ചക്ക് 11.30 ഓടെയാണ് അപകടമുണ്ടായത്. കുളിക്കാനെത്തിയ ഇരുവരും മുങ്ങിമരിക്കുകയായിരുന്നു.

ഫായിസയും ഫിദയും അയല്‍വാസികളോടൊപ്പമാണ് കുളിക്കാനെത്തിയത്. അതിനിടയില്‍ ഫിദ ഒഴുക്കില്‍പ്പെടുകയായിരുന്നു. ഇത് കണ്ട ഫാത്തിമ മകളെ രക്ഷിക്കാന്‍ ശ്രമിക്കുന്നതിനിടെയാണ് ഒഴുക്കില്‍പ്പെട്ടത്.