![](https://keralaspeaks.news/wp-content/uploads/2021/07/8428845489d4d7c02cc62a573374def704d13a3ce07c528241650b796e47eab3e82c22e4.jpg)
എസ്.എസ്.എല്.സി വിജയശതമാനം ഉയര്ന്നതോടെ ഇനി ഹയര് സെക്കണ്ടറി പ്രവേശനം കടുപ്പമേറും. കേരള സിലബസില് മാത്രം ഒരു ലക്ഷത്തിലധികം പേരാണ് എല്ലാ വിഷയങ്ങള്ക്കും എ പ്ലസ് നേടിയത്. സി.ബി.എസ്.ഇ വിജയശതമാനം കൂടി വര്ധിച്ചാല് സീറ്റൊരുക്കുന്നതില് വിദ്യാഭ്യാസവകുപ്പും കുഴയും.
കഴിഞ്ഞ വര്ഷം 41,906 പേര്ക്ക് മുഴുവന് വിഷയങ്ങള്ക്കും എ പ്ലസ് ലഭിച്ചെങ്കില് ഇത്തവണ 79,412 പേര് വര്ധിച്ച് 1, 21,318 പേര്ക്കാണ് പത്ത് എ പ്ലസ്. ഇനി സി.ബി.എസ്.ഇ വിജയിച്ച് വരുന്നവരും കൂടി ചേരുമ്ബോള് എണ്ണം വര്ധിക്കും. ഇവരില് ഭൂരിപക്ഷം പേരും പ്രവേശനത്തിന് മുന്ഗണന നല്കുക ശാസ്ത്ര വിഷയങ്ങള്ക്കും ഇഷ്ടപ്പെട്ട സ്കൂളുകള്ക്കുമാകും.
മറ്റ് വിഷങ്ങള്ക്കും കാര്യമായ ആവശ്യക്കാരുണ്ടാവും.
എല്ലാ കുട്ടികള്ക്കും പഠിക്കാന് അവസരമുണ്ടാകുമെന്നാണ് വിദ്യാഭ്യാസ മന്ത്രി വി. ശിവന്കുട്ടി വ്യക്തമാക്കിയത്. മലബാറില് ഇത്തവണ സീറ്റുകള് ഗണ്യമായി വര്ധിപ്പിക്കുന്നതിന് സര്ക്കാര് നടപടി വേഗത്തിലാക്കേണ്ടി വരും. തെക്കന് കേരളത്തില് നേരിയ വര്ധനവ് മാത്രം മതിയെന്നത് ആശ്വാസമാണ്.