“മെഹ്നു ഉണ്ടെന്നുള്ള ധൈര്യത്തിലാണ് ഞാൻ കിടന്നുറങ്ങുന്നത്, ബുർജ് ഖലീഫയിലൊക്കെ പോയി വന്ന ക്ഷീണത്തിൽ ആണ് ഉറങ്ങുന്നത്. ഉറങ്ങിയ ഇപ്പോഴാണ് ഈ ചങ്ങാതി ജംഷാദ് എന്നെ ഇങ്ങനെ തോണ്ടി വിളിക്കുന്നത്” : യൂട്യൂബറുടെ മരണത്തിൽ ദുരൂഹത വർധിപ്പിച്ച് ശബ്ദ സന്ദേശം പുറത്ത്.

”മെഹ്നു ഉണ്ട് എന്ന ധൈര്യത്തിലാണ് ഞാന്‍
ഉറങ്ങുന്നത്. ഇന്നലെ ബുര്‍ജ് ഖലീഫയിലൊക്കെ പോയി വന്ന ക്ഷീണത്തിലാണു ഞാന്‍ ഉറങ്ങുന്നത്. ഉറങ്ങിപ്പോയപ്പോഴാണ് ഈ ചങ്ങായി, ജംഷാദ് എന്നെ ഇങ്ങനെ തോണ്ടി വിളിക്കുന്ന്. ഫാന്‍ ഓഫാക്ക്ന്ന്.
എന്തൊക്കെയോ കളിക്കുന്ന്. ഞാന്‍ മെഹ്നു ഉണ്ട് എന്ന ധൈര്യത്തിലാണ് റൂമില്‍ കിടന്നുറങ്ങുന്നത്. ജംഷാദ് എത്ര ഫ്രണ്ടായാലും, ഒറ്റയ്ക്കൊക്കെ കിടന്നുറങ്ങുമ്ബോള്‍ ഏതൊരാള്‍ക്കും എന്തെങ്കിലും തോന്നും.

ഞാന്‍ കിടക്കുന്നത് മെഹ്നു ഉണ്ടാകുമെന്ന ധൈര്യത്തിലാണ്. നോക്കുമ്ബോള്‍ മെഹ്നു പോയിരിക്കുന്നു. എനിക്കു നല്ല ദേഷ്യം വന്നു. പുലര്‍ച്ചെ വരെ ഉറങ്ങാതെ കാത്തിരിക്കേണ്ടി വന്നു. കാരണം ജംഷാദ് ഇങ്ങനെ തോണ്ടിക്കൊണ്ടിരിക്കുന്നു. ആര്‍ക്കാ എപ്പോഴാ മനസു മാറുക എന്നറിയില്ലല്ലോ. ഇതിന്റെ ഒന്നും ചിന്ത മെഹ്നുവിന് ഇല്ല”-എന്നാണ് റിഫ വോയ്സ് മെസേജില്‍ പറയുന്നത്.