മുംബയ്: അന്തരിച്ച ഇതിഹാസ ഗായിക ലതാ മങ്കേഷ്കറിൻറെ ഭൗതിക ശരീരത്തില് ബോളിവുഡ് നടന് ഷാരൂഖ് ഖാന് തുപ്പിയതായി ആരോപണം. ലതാ മങ്കേഷ്കറിൻറെ അന്തിമ കര്മ്മങ്ങള് നടന്ന ശിവാജി പാര്ക്കിലെത്തി ഷാരൂഖ് ഖാന് ആദരാഞ്ജലി അര്പ്പിച്ചിരുന്നു. ലതയുടെ ഭൗതിക ശരീരത്തിനരികെ നിന്ന് പ്രാര്ത്ഥിച്ച ഷാരൂഖ് മൃതദേഹത്തിലേക്ക് ഊതുകയായിരുന്നു. ഈ ദൃശ്യങ്ങളാണ് തുപ്പി എന്ന രീതിയില് പ്രചരിപ്പിക്കുന്നത് ഇതേതുടര്ന്ന് ഷാരൂഖിനെതിരെ രൂക്ഷമായ സൈബര് ആക്രമണവും നടക്കുന്നുണ്ട്.
ലതാ മങ്കേഷ്കറിൻറെ മൃതദേഹത്തിനരികെ നിന്ന് പ്രാര്ത്ഥിക്കുന്ന ഷാരൂഖിൻറെയും മാനേജര് പൂജ ദദ്ലാനിയുടെയും ചിത്രങ്ങളും വിഡിയോയും സമൂഹമാധ്യമങ്ങളില് തരംഗമായിരുന്നു. ഷാരൂഖ് മുസ്ലിങ്ങളുടെ പ്രാര്ത്ഥനയായ ദുആ ചെയ്യുമ്ബോള് പൂജ ഹൈന്ദവ ആചാരപ്രകാരം കൈകൂപ്പി പ്രാര്ത്ഥിക്കുകയാണ്.
ഞായറാഴ്ച വൈകിട്ട് ആറരയോടെ മുംബൈ ശിവാജി പാര്ക്കിലായിരുന്നു സംസ്കാരച്ചടങ്ങുകള്. പൂര്ണ ഔദ്യോഗിക ബഹുമതികളോടെയായിരുന്നു സംസ്കാരം. പ്രധാനമന്ത്രി നരേന്ദ്ര മോദി, മഹാരാഷ്ട്ര മുഖ്യമന്ത്രി ഉദ്ധവ് താക്കറെ, ലത മങ്കേഷ്കറുടെ സഹോദരിയും ഗായികയുമായ ആശാ ഭോസ്ലെ, ബോളിവുഡ് താരങ്ങളായ ഷാരൂഖ് ഖാന്, ശ്രദ്ധ കപൂര്, ക്രിക്കറ്റ് താരം സച്ചിന് തെണ്ടുല്ക്കര് തുടങ്ങിയവര് സംസ്കാരച്ചടങ്ങുകളില് പങ്കെടുത്തു.