എരുമേലിക്ക് സമീപം വീണ്ടും ഉരുൾപൊട്ടൽ: ഒരാൾക്ക് പരിക്കേറ്റു എന്ന് പ്രാഥമിക റിപ്പോർട്ടുകൾ.

കോട്ടയം ജില്ലയിലെ എരുമേലി കണമലയിൽ ഉരുൾപൊട്ടൽ. ഒരാൾക്ക് പരിക്കേറ്റ എന്നാണ് പ്രാഥമിക വിവരം. നിരവധി വാഹനങ്ങൾ ഒഴുകിപ്പോയിട്ടുണ്ട് എന്നും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നുണ്ട്. നാല് വീടുകൾക്കും കേടുപാടുകൾ സംഭവിച്ചിട്ടുണ്ട്.

പ്രദേശത്ത് ഇന്നലെ മുതൽ കനത്ത മഴയാണ് പെയ്യുന്നത്. ജില്ലാ പഞ്ചായത്ത് അംഗം ഷോൺ ജോർജ് രക്ഷാപ്രവർത്തനങ്ങൾ ഏകോപിപ്പിക്കുവാൻ സ്ഥലത്തെത്തിയിട്ടുണ്ട്. നാട്ടുകാരുടെ നേതൃത്വത്തിൽ ആണ് ഇപ്പോൾ രക്ഷാപ്രവർത്തനം നടക്കുന്നത്. പോലീസ് ഫയർഫോഴ്സ് സംഘങ്ങൾ ഉടൻ എത്തിയേക്കും.