“അങ്ങ് പറഞ്ഞ കാര്യങ്ങൾ കേട്ട് കേട്ട് ഞാൻ മടുത്തു”: നിയമസഭാ സമ്മേളനത്തിനിടെ മന്ത്രി സജി ചെറിയാനോട് അതൃപ്ത്തി പ്രകടിപ്പിച്ച് സ്പീക്കർ ഷംസീർ; വീഡിയോ കാണാം.

ഫിഷറീസ് വകുപ്പ് മന്ത്രി സജി ചെറിയാൻ പറഞ്ഞ കാര്യങ്ങളില്‍ അതൃപ്തി പ്രകടിപ്പിച്ച്‌ സ്പീക്കർ എ.എൻ ഷംസീർ. നിയമസഭയിലെ ധനാഭ്യർഥന ചർച്ചയിലെ മന്ത്രിയുടെ മറുപടിയ്ക്കിടെയായിരുന്നു സ്പീക്കറുടെ ഇടപെടല്‍. മന്ത്രി പറഞ്ഞ പോയിന്റുകള്‍ കേട്ട് കേട്ട് താൻ മടുത്തുവെന്നായിരുന്നു സ്പീക്കറുടെ പരാമർശം.

പലതവണ പറഞ്ഞിട്ടും മന്ത്രി പ്രസംഗം അവസാനിപ്പിക്കാതിരുന്നതോടെയാണ് പരിഹാസവുമായി സ്പീക്കർ രംഗത്തെത്തിയത്. പ്രസംഗത്തിന്റെ അവസാനം ലോക്സഭാ തിരഞ്ഞെടുപ്പ് ഫലത്തെ കുറിച്ച്‌ സംസാരിക്കവെ സജി ചെറിയാൻ തൃശൂരിനെ കുറിച്ച്‌ പരാമർശിച്ചപ്പോഴും സ്പീക്കർ ഇടപെട്ടു. അതൃപ്തി പ്രകടിപ്പിച്ച സ്പീക്കർ ‘തൃശൂരൊക്കെ നമ്മള് ചർച്ച ചെയ്തതാണ്. ഈ ഫ്ളോറില്‍ ഒരുപാട് തവണ ചർച്ച ചെയ്തതാണ്’ എന്നാണ് മന്ത്രിയോട് പറഞ്ഞത്.