പാർക്ക് ചെയ്തിരുന്ന കാറിനുള്ളിൽ എസി ഓൺ ചെയ്തിട്ട് വിശ്രമിച്ചിരുന്ന യുവാവ് മരണമടഞ്ഞു; ഞെട്ടിക്കുന്ന സംഭവം ആലപ്പുഴയിൽ: വിശദാംശങ്ങൾ വായിക്കാം.

കാറിനുള്ളില്‍ എസി ഓണ്‍ ചെയ്ത് വിശ്രമിച്ച യുവാവിനെ മരിച്ച നിലയില്‍ കണ്ടെത്തി. കരുവാറ്റ ഊട്ടുപറമ്ബ് പുത്തൻ നികത്തില്‍ മണിയന്റെ മകൻ അനീഷ് (37) ആണ് മരിച്ചത്.

വീടിന് മുന്നില്‍ പാർക്ക് ചെയ്ത കാറിനുള്ളില്‍ എസി ഓണ്‍ ചെയ്ത് വിശ്രമിക്കുകയായിരുന്നു അനീഷ്. ഉച്ചക്ക് 3 മണിയോടെയാണ് സംഭവമുണ്ടായത്. ഭക്ഷണം കഴിക്കാൻ വിളിച്ചിട്ടും എത്താതിരുന്നതിനെ തുടർന്ന് ഭാര്യ അന്വേഷിച്ച്‌ എത്തിയപ്പോള്‍ കാറിനുള്ളില്‍ അബോധാവസ്ഥയില്‍ കാണപ്പെടുകയായിരുന്നു.