സംസ്ഥാന പ്രസിഡന്റ് കെ സുരേന്ദ്രന് നടത്തുന്ന കേരള പദയാത്രയുടെ ഔദ്യോഗിക ഗാനത്തിലെ അമളിയില് പൊല്ലാപ്പ് പിടിച്ച് ബിജെപി. ബിജെപിയുടെ കേന്ദ്രഭരണം അഴിമതിക്ക് പേരു കേട്ടതാണ് എന്നാണ് പാട്ട് സൂചിപ്പിക്കുന്നത്. ബിജെപി ഒടുവിൽ സത്യം പറഞ്ഞു എന്ന രീതിയിലാണ് പരിഹാസം.
‘അഴിമതിക്ക് പേര് കേട്ട കേന്ദ്രഭരണ തന്ത്രമിന്ന് തച്ചുടക്കാന് അണിനിരക്ക കൂട്ടരേ,” എന്ന് ആഹ്വാനം ചെയ്യുന്ന പാട്ട് സമൂഹമാധ്യമങ്ങളില് വൈറലായി. ”ദുരിതമേറ്റു വാടിവീഴും പതിതകോടിമാനവര്ക്കൊരഭയമായി ഞങ്ങളുണ്ട് കൂട്ടരേ…പതിയിരിക്കും ഇടതുപക്ഷ വഞ്ചനപ്പിശാചിനോടുംഎതിരിടാന് ഞങ്ങളുണ്ട് കൂട്ടരേ…”എന്ന വരിക്ക് ശേഷം അടുത്ത വരിയാണ് അഴിമതിക്ക് പേര് കേട്ട കേന്ദ്രഭരണ തന്ത്രമിന്ന് തച്ചുടക്കാന് അണിനിരക്ക കൂട്ടരേ… എന്നത്. കേന്ദ്ര സര്ക്കാരിനെ തന്നെ വിമര്ശിക്കുന്ന വരിയാണ് പാട്ടിലുള്ളത്.
ഇത്തരം അഴിമതിക്കാരെ തുടച്ചുനീക്കാന് താമരയ്ക്ക് കൊടി പിടിക്കാനും ആഹ്വാനം ചെയ്യുന്നതാണ് ഗാനം. ബിജെപി കേരളം എന്ന യൂട്യൂബ് ചാനലിലൂടെയാണ് വീഡിയോ പുറത്ത് വന്നിരിക്കുന്നത്. പദയാത്ര തത്സമയം നല്കുന്നത് ബിജെപി കേരളം എന്ന യൂട്യൂബ് ചാനലിലൂടെയാണ്. ആദ്യമായാണ് സുരേന്ദ്രന് ഒരു സത്യം പറയുന്നതെന്നാണ് സമൂഹമാധ്യമങ്ങള് പരിഹസിക്കുന്നത്. പാട്ടില് ബിജെപിക്കു പിണഞ്ഞ അമളി സമൂഹമാധ്യമങ്ങളില് വന് ട്രോളിനാണ് വഴിയൊരുക്കിയിരിക്കുന്നത്.