നിര്ത്തിയിട്ട ബസിന് പിന്നില് മറ്റൊരു ബസ്സിടിച്ച് നിരവധി യാത്രക്കാര്ക്ക് പരിക്ക്. രണ്ട് സ്ത്രീകള് ബസിനടിയില്പ്പെട്ടു. ടി.സി.ബി റോഡില് ചാണോക്കുണ്ട് ടൗണിന് സമീപം കരുണാപുരം സെന്റ് ജൂഡ്സ് പള്ളിക്ക് മുന്നില് വ്യാഴാഴ്ച രാവിലെ 9.45-ഓടെയായിരുന്നു അപകടം.
തളിപ്പറമ്ബില്നിന്ന് പരപ്പയിലേക്ക് പോയ സിനാൻ ബസിന്റെ പിന്നില് ഇരിട്ടിയില് നിന്ന് ചെറുപുഴയിലേക്ക് പോയ തെക്കേടത്ത് എയ്ഞ്ചല് ബസിടിക്കുകയായിരുന്നു. സിനാൻ ബസ്സ് പള്ളിക്ക് മുന്നില് നിര്ത്തിയിട്ട് യാത്രക്കാരെ കയറ്റുന്നതിനിടെയാണ് തെക്കേടത്ത് എയ്ഞ്ചല് ബസ്സ് പിന്നില് ഇടിച്ചത്. ഓവര്ടേക്ക് ചെയ്യുന്നതിനിടെ എതിരെവന്ന ടിപ്പര് ലോറിയില് ഇടിക്കാതിരിക്കാൻ വെട്ടിക്കുന്നതിനിടയിലാണ് അപകടം.
ഇടിയുടെ ആഘാത്തില് മുന്നോട്ടുനീങ്ങിയ സിനാൻ ബസ് റോഡ് മുറിച്ചുകടന്ന രണ്ട് സ്ത്രീകളുടെ ദേഹത്തുകൂടി കയറിയിറങ്ങി. കരുവൻചാല് സ്വദേശിനി മോളി ജോസിനും മറ്റൊരു സ്ത്രീക്കുമാണ് പരിക്കേറ്റത്. സാരമായി പരിക്കേറ്റ ഇവരെ കണ്ണൂരിലെ സ്വകാര്യ ആശുപത്രിയില് പ്രവേശിപിച്ചു.
നിർത്തിയിട്ട ബസ്സിന്റെ പിന്നിലേക്ക് അമിതവേഗതയിൽ എത്തിയ മറ്റൊരു ബസ് ഇടിച്ചു കയറി; ഇടിയുടെ ആഘാതത്തിൽ മുന്നോട്ടു നീങ്ങിയ ബസ് റോഡ് മുറിച്ചു കടന്നിരുന്ന യുവതികളുടെ ശരീരത്തിലൂടെ കയറി ഇറങ്ങി: കണ്ണൂരിൽ നടന്ന അപകടത്തിന്റെ വിശദാംശങ്ങളും വീഡിയോ ദൃശ്യങ്ങളും വാർത്തയോടൊപ്പം. pic.twitter.com/uaUjs1d0wj
— Thomas R V Jose (@thomasrvjose) January 18, 2024