സമരക്കാരുടെ അമ്മയ്ക്ക് വിളിച്ച പോലീസ് ഉദ്യോഗസ്ഥനെ ഒറ്റ ഡയലോഗിൽ മുട്ടുകുത്തിച്ച് യൂത്ത് കോൺഗ്രസ് നേതാവ് സുബിൻ മാത്യു – പോലീസ് ഗുണ്ടായിസത്തിന്റെ നേർക്കാഴ്ചയായ വീഡിയോ ദൃശ്യങ്ങൾ കാണാം.

എംജി സർവകലാശാലയിൽ നിന്ന് 150ലധികം ഡിഗ്രി സർട്ടിഫിക്കറ്റുകൾ കാണാതായ വിഷയത്തിൽ പ്രതിഷേധം കടുപ്പിച്ച് കോട്ടയം ജില്ലയിലെ യൂത്ത് കോൺഗ്രസ് കെഎസ്‌യു നേതൃത്വം. എംജി സർവകലാശാലയിലേക്ക് കെഎസ്‌യു മുൻ സംസ്ഥാന ജനറൽ സെക്രട്ടറി സുബിൻ മാത്യുവിന്റെ നേതൃത്വത്തിലാണ് യൂത്ത് കോൺഗ്രസ് പ്രവർത്തകർ പ്രതിഷേധവുമായി എത്തിയത്. സമരക്കാരുടെ പൊള്ളുന്ന ചോദ്യങ്ങൾക്ക് മുന്നിൽ ഉത്തരം മുട്ടിയപ്പോൾ അവരെ തെറി പറഞ്ഞു തോൽപ്പിക്കാൻ ശ്രമിച്ച പോലീസ് ഉദ്യോഗസ്ഥനെയാണ് പിന്നീട് കണ്ടത്. സമരക്കാരുടെ അമ്മമാരെ കൂട്ടി പറയാൻ അറയ്ക്കുന്ന അസഭ്യമാണ് പോലീസ് ഉദ്യോഗസ്ഥൻ തുടർച്ചയായി പറഞ്ഞുകൊണ്ടിരുന്നത്

മാധ്യമ ക്യാമറകൾക്ക് മുന്നിൽ ലെവലേശം ഭയമില്ലാതെ നിന്ദ്യവും നീചവുമായ ഭാഷയിൽ പൂര പാട്ടു പാടുന്ന പോലീസ് ഉദ്യോഗസ്ഥനെ വെറുതെ വിടാൻ സമര നേതാവായ സുബിൻ മാത്യു തയ്യാറല്ലായിരുന്നു. “നിനക്ക് വീട്ടിൽ അമ്മയില്ലേടാ” എന്ന അദ്ദേഹത്തിന്റെ ഡയലോഗിന് മുന്നിൽ പതറിപ്പോയത് തെറിവീരൻ പോലീസ് മാത്രമല്ല സമരക്കാരെ നേരിടാൻ എത്തിയ മുഴുവൻ പോലീസ് സനാഹങ്ങളുമാണ്. സമര നേതാവിൻറെ പൊള്ളുന്ന ചോദ്യങ്ങൾക്ക് മുന്നിൽ ഉത്തരമില്ലാതെ തെറിപ്പാട്ട് തുടരുകയായിരുന്നു പോലീസ് ഉദ്യോഗസ്ഥൻ.