ഫോണിലെ വൈറസിനെ നീക്കം ചെയ്യാൻ ഫ്രീ ബോട്ടുമായി കേന്ദ്രസർക്കാർ: ഇൻസ്റ്റാൾ ചെയ്ത് ഉപയോഗിക്കേണ്ടത് എങ്ങനെ എന്ന് വായിക്കാം.

ന്യൂഡല്‍ഹി: സ്മാര്‍ട്ട് ഫോണുകളെയും കമ്ബ്യൂട്ടറുകളെയും ബാധിക്കുന്ന മാല്‍വെയറുകള്‍ നീക്കം ചെയ്യാൻ കേന്ദ്ര ടെലികോം വകുപ്പിന്‍റെ സൈബര്‍ സ്വച്ഛതാ കേന്ദ്ര പോര്‍ട്ടല്‍ സൗജന്യ ബോട്ട് രംഗത്തിറക്കി. ഇതെക്കുറിച്ച്‌ ഉപയോക്താക്കള്‍ക്കിടയില്‍ ബോധവത്കരണം നടത്താൻ എസ്‌എംഎസ് നോട്ടിഫിക്കേഷനുകളും അയച്ചു തുടങ്ങിയിട്ടുണ്ട്.csk.gov.in എന്ന പോര്‍ട്ടലില്‍ നിന്നാണ് ബോട്ട് സൗജന്യമായി ഡൗണ്‍ലോഡ് ചെയ്യാൻ സാധിക്കുന്നത്.

“Stay Cyber Safe! To protect your device from botnet infections and malware, the Government of India, through CERT-In, recommends downloading the ‘Free Bot Removal Tool’ at csk.gov.in.”എന്നൊരു സന്ദേശമാണ് ഉപയോക്താക്കള്‍ക്ക് എസ്‌എംഎസ് മുഖേന ലഭിച്ചുകൊണ്ടിരിക്കുന്നത്. യുഎസ്‌ബി പ്രതിരോധ് (USB Pratirodh), ആപ്പ്‌സംവിദ് (AppSamvid) എന്നീ ആപ്ലിക്കേഷനുകളും സിഎസ്‌കെ പോര്‍ട്ടലില്‍ ലഭ്യമാക്കിയിട്ടുണ്ട്.