മുന്നണി ധാരണകൾ പ്രകാരം ഇന്നലെ പാലാ നിയോജകമണ്ഡലത്തിലെ മൂന്നിലവ് പഞ്ചായത്തിൽ പ്രസിഡന്റ് തിരഞ്ഞെടുപ്പ് നടന്നപ്പോൾ കോൺഗ്രസിന് മിന്നും വിജയം. കോൺഗ്രസ് അംഗം ജോഷി ജോഷ്വ മുൻധാരണകൾ പ്രകാരം പദവി രാജിവെക്കുകയും പാർട്ടി നിർദ്ദേശമനുസരിച്ച് പി എൽ ജോസഫ് അധ്യക്ഷ പദവിയിലേക്ക് എത്തുകയും ആണ് ചെയ്തത്. കേരള കോൺഗ്രസ് ജോസഫ് വിഭാഗം അംഗമായിരുന്ന ചാർലി ഐസക്ക് പിന്നീട് മുന്നണിയും പാർട്ടിയും വിട്ട് ജോസ് വിഭാഗത്തിൽ ചേക്കേറിയിരുന്നു. ഇദ്ദേഹത്തെ കൂടി തിരിച്ചെത്തിച്ചാണ് കോൺഗ്രസ് വിജയത്തിളക്കം വർദ്ധിപ്പിച്ചത്.
കോൺഗ്രസ് നീങ്ങിയത് ജാഗ്രതയോടെ; ഏകോപിപ്പിച്ചത് മണ്ഡലം പ്രസിഡന്റ് ഷൈൻ പാറയിലും, ഡിസിസി ജനറൽ സെക്രട്ടറി സി റ്റി രാജനും
മുൻപ് പാലാ നിയോജക മണ്ഡലത്തിലെ തന്നെ രാമപുരം പഞ്ചായത്തിൽ സമാനമായ രാഷ്ട്രീയ സാഹചര്യം ഉണ്ടായപ്പോൾ കോൺഗ്രസ് പ്രതിനിധിയായിരുന്ന ഷൈനി സന്തോഷിനെ അടർത്തിയെടുത്ത് കേരള കോൺഗ്രസ് ജോസ് കെ മാണി വിഭാഗം ഭരണം അട്ടിമറിച്ചിരുന്നു. അതുകൊണ്ടു തന്നെ ജാഗ്രതയോടെയാണ് കോൺഗ്രസ് കരുക്കൾ നീക്കിയത്. നീക്കങ്ങൾക്ക് ചുക്കാൻ പിടിച്ചത് പാർട്ടിയുടെ മണ്ഡലം പ്രസിഡന്റ് ഷൈൻ പാറയിലും ജില്ലാ കമ്മിറ്റിയുടെ നിർദ്ദേശം അനുസരിച്ച് മേൽനോട്ടം വഹിക്കുകയും തിരിച്ചുപോയ അംഗത്തെ തിരികെ എത്തിക്കുവാൻ തന്ത്രങ്ങൾ മെനയുകയും ചെയ്തത് ഡിസിസി ജനറൽ സെക്രട്ടറി സിറ്റി രാജനും ആണ്. സ്വന്തം പഞ്ചായത്തായ രാമപുരത്ത് കേരള കോൺഗ്രസ് പാർട്ടിക്ക് ഏൽപ്പിച്ച ക്ഷീണത്തിന് മൂന്നിലവിൽ മറുപടി പറഞ്ഞ സി റ്റി രാജന് വിജയം ഇരട്ടി മധുരമുള്ളതായി.
യുഡിഎഫ് അനുമോദന യോഗം ചേർന്നു
