പാരസെറ്റമോൾ മരുന്ന് അധികമായി ഉള്ളിൽ ചെന്നു: കരൾ ചികിത്സയ്ക്ക് സഹായം തേടി പിഞ്ചുകുഞ്ഞ് – വിശദാംശങ്ങൾ വായിക്കുക.

പുനലൂര്‍: പാരസെറ്റമോള്‍ മരുന്ന്‌ അളവിലധികം ഉള്ളില്‍ ചെന്ന് ഗുരുതരാവസ്ഥയിലായ മൂന്ന് വയസുകാരി ചികിത്സാ ചെലവിനുള്ള ധനസഹായം തേടുന്നു. കൊല്ലം പുനലൂര്‍ ചരുവിള പുത്തന്‍വീട്ടില്‍ സുജിത്ത്‌ – മഞ്ജിമ ദമ്ബതികളുടെ ഏക മകളായ നവോമിയാണ് കരള്‍ മാറ്റിവെക്കല്‍ ശസ്ത്രക്രിയക്കായി ധനസഹായം തേടുന്നത്. പാരസെറ്റമോള്‍ മരുന്ന്‌ അളവിലധികം ഉള്ളില്‍ ചെന്നാണ് കുഞ്ഞ് ഗുരുതരാവസ്ഥയിലായത്.

തിരുവനന്തപുരം കിംസ് ആശുപത്രിയിലാണ് നിലവില്‍ നവോമി ചികിത്സയിലുള്ളത്. കുഞ്ഞിനു കരള്‍ പകുത്തുനല്‍കാന്‍ അമ്മ തയ്യാറാണ്.പക്ഷെ ഇതിനുള്ള ചിലവ് ഭീമമാണ്.