“മാഡം ഇവനെ കണ്ടാൽ പ്രഭുദേവയെ പോലെ ഇല്ലേ?”: താൻ ഇങ്ങനെ പറഞ്ഞതിനു ശേഷമാണ് നയൻതാര വിഘ്നേശ് ശിവൻ പ്രണയം ആരംഭിച്ചതെന്ന് സഹതാരം.

ഇപ്പോഴിതാ നാനും റൗഡി താൻ എന്ന സിനിമയിൽ അഭിനയിച്ച നടൻ രാഹുൽ താത്തയാണ് ഇരുവരും പ്രണയത്തിലാകുന്നതിനെക്കുറിച്ച് പറയുന്നത്. വിഘ്‌നേഷും നയൻസും പ്രണയത്തിലാകാൻ പ്രധാന കാരണം താനാണെന്നും അദ്ദേഹം പറയുന്നു. വിഘ്നേഷിനെ സെറ്റിൽ വിക്കി എന്നാണ് നയൻതാര വിളിച്ചിരുന്നത്. ഒരിക്കൽ ഞാൻ വിഘനേഷിനോട് പറഞ്ഞു, നീ പ്രഭുദേവയെ പോലെയാണെന്ന്. ‘ഇക്കാര്യം ഞാൻ നയൻതാരയോട് നേരിട്ട് പറഞ്ഞു. മാഡം വിക്കിയെ കാണുമ്പോൾ എന്തിനാണ് പ്രഭുദേവയെ കുറിച്ച് ചിന്തിക്കുന്നത്,’ രാഹുൽ താത്ത ചിരിച്ചു കൊണ്ട് പറഞ്ഞു. അതിന് ശേഷമാണ് ഇരുവരും പ്രണയത്തിലായതെന്നും അദ്ദേഹം തമാശയായി പറഞ്ഞു.

നയൻതാരയുടെ മുൻ കാമുകനായിരുന്നു പ്രഭുദേവ. 2009ൽ വിൽ എന്ന സിനിമയുടെ സെറ്റിൽ വെച്ചാണ് നയൻസും പ്രഭുദേവയും പ്രണയത്തിലായത്. എന്നാൽ മൂന്നര വർഷത്തിനുള്ളിൽ ഇരുവരും വേർപിരിഞ്ഞു. നയൻസിനെ പ്രണയിക്കുമ്പോൾ പ്രഭുദേവ വിവാഹിതനും രണ്ട് കുട്ടികളുടെ പിതാവുമായിരുന്നു. ഇത് വലിയ കോളിളക്കം സൃഷ്ടിച്ചു. പൂർണ്ണമായും തകർന്ന നയൻതാര കുറച്ചുകാലം മാറി നിന്നു
നയൻതാരയ്‌ക്കെതിരെ പ്രഭുദേവയുടെ ഭാര്യ റംലത്ത് പരസ്യമായി രംഗത്തെത്തിയിരുന്നു. ഇതിനിടെ റംലത്തുമായുള്ള വിവാഹം പ്രഭുദേവ ഒഴിവാക്കിയിരുന്നു. എന്നാൽ ഒരു വർഷത്തിനുള്ളിൽ നയൻസും പ്രഭുദേവയും വേർപിരിഞ്ഞു. തകർന്നു പോയ നയൻതാര കുറച്ചു നാളായി പ്രേക്ഷകരിൽ നിന്ന് മാറി നിന്നു. ഒടുവിൽ 2013ൽ ആറ്റ്‌ലി സംവിധാനം ചെയ്ത രാജ റാണിയിലൂടെ നയൻതാര വലിയ തിരിച്ചുവരവ് നടത്തി.