നെടുമ്ബാശ്ശേരി വിമാനത്താവളത്തിലെ സ്വര്ണ്ണക്കടത്ത് കേസുമായി ബന്ധപ്പെട്ട് അന്വേഷണം പുരോഗമിക്കുകയാണ്. ഇതുമായി ബന്ധപ്പെട്ട് തമിഴ്-കന്നഡ നടി അക്ഷര റെഡ്ഡിയെ എന്ഫോഴ്സ് മെന്റ് ഡയറക്ട്രേറ്റ് ചോദ്യം ചെയ്യുന്നു. കോഴിക്കോട് ഇഡി ഓഫീസില് വെച്ചാണ് ചോദ്യംചെയ്യല് നടക്കുന്നത് എന്നാണ് ലഭ്യമാകുന്ന വിവരം. രാവിലെയാണ് താരം ചോദ്യംചെയ്യലിനായി ഓഫീസില് എത്തിയത്.
2013 ല് വടകര സ്വദേശി ഫായിസ് ഉള്പ്പെട്ട നെടുമ്ബാശേരി സ്വര്ണ്ണക്കടത്ത് കേസുമായി ബന്ധപ്പെട്ടാണ് ചോദ്യം ചെയ്യല് പുരോഗമിച്ചുവരുന്നത്. അതേസമയം 2013 ല് നെടുമ്ബാശേരി വിമാനത്താവളം വഴി കടത്താന് ശ്രമിച്ച 20 കിലോഗ്രാം സ്വര്ണം കസ്റ്റംസ് പിടികൂടിയിരുന്നു. എന്നാല് ഈ സ്വര്ണം പ്രമുഖ ജ്വല്ലറികളിലേക്ക് അടക്കം എത്തിച്ചതാണെന്നായിരുന്നു കസ്റ്റംസ് കണ്ടെത്തല്.
കേസിലെ മുഖ്യ പ്രതിയായ വടകര സ്വദേശി ഫായിസിന്റെ ഉന്നത ബന്ധങ്ങളും നേരത്തെ തന്നെ വിവാദമായി മാറിയിരുന്നു. ഇതുമായി ബന്ധപ്പെട്ടാണ് നടിയെയും ചോദ്യംചെയ്യുന്നത്. മോഡല് കൂടെയായ അക്ഷര റെഡ്ഡി നേരത്തെ തമിഴ് ബിഗ് ബോസിലും പങ്കെടുത്തിരുന്നു. തമിഴ് ബിഗ് ബോസ് വഴി ഏറെ ശ്രദ്ധ നേടിയ താരത്തിന് ഏറെ അര്ധകരും ഉണ്ട്.