പാലാ: വീട്ടമ്മയുടെ മോര്ഫ് ചെയ്ത നഗ്നചിത്രങ്ങള് പണം വാങ്ങി പലര്ക്കും കൊടുത്ത വള്ളിച്ചിറ സ്വദേശിയായ യുവാവ് പിടിയില്. പാലാ, വള്ളിച്ചിറ, മണലേല്പ്പാലം ഭാഗത്ത് കച്ചേരിപ്പറമ്ബില് വര്ക്കിയുടെ മകന് 20 വയസ്സുള്ള ജെയ്മോന് എന്ന യുവാവാണ് പാലാ പോലീസിന്റെ പിടിയിലായത്. പ്രതിയുടെ സുഹൃത്തിന്റെ മാതാവായ സ്ത്രീയുടെ ചിത്രങ്ങള് അവരറിയാതെ ക്യാമറയിലും മൊബൈല് ഫോണിലും പകര്ത്തിയ ശേഷം പ്രത്യേക മൊബൈല് ആപ്ലിക്കേഷന് ഉപയോഗിച്ച് എഡിറ്റ് ചെയ്ത് നഗ്നഫോട്ടോകളാക്കി സമൂഹ മാധ്യമങ്ങള് വഴി പ്രചരിപ്പിച്ച് പണം സമ്ബാദിക്കുകയാണ് ഇയാള് ചെയ്തതെന്ന് പാലാ എസ്. എച്ച്. ഒ കെ.പി. ടോംസണ് പറഞ്ഞു.
ടെലഗ്രാം, ഷെയര് ചാറ്റ് എന്നീ സമൂഹമാധ്യമങ്ങളില് ഈ സ്ത്രീയുടെ പേരില് അവരുടെ യഥാര്ത്ഥ ചിത്രങ്ങള് ചേര്ത്ത് വ്യാജ അക്കൗണ്ടുകള് നിര്മ്മിക്കുക ആയിരുന്നു ഇയാള് ചെയ്തത്. പിന്നീട് അപരിചിതരായ ആളുകളോട് സ്ത്രീയാണെന്ന രീതിയില് ചാറ്റ് ചെയ്ത് സൗഹൃദം സ്ഥാപിച്ചശേഷം ആളുകള് ആകൃഷ്ടരാകുമ്ബോള് സെക്സ് ചാറ്റ് നടത്തുകയും അങ്ങനെ പലരുമായും അടുപ്പം സ്ഥാപിക്കുകയും ചെയ്തു. വികാരപരമായ ചാറ്റില് വീണ പലരും സ്ത്രീയാണെന്ന വിചാരത്തില് നഗ്നഫോട്ടോകള് ആവശ്യപ്പെടുമ്ബോള് പണം നല്കിയാല് കാണിക്കാം എന്നായിരുന്നു യുവാവ് പറഞ്ഞിരുന്നത്. പല ആളുകളും ഇയാളുടെ വാക്ചാതുരിയില് വീഴുകയും, അങ്ങനെയുള്ളവര്ക്ക് ഇയാളുടെ ഗൂഗിള് പേ അക്കൗണ്ട് അയച്ച് നല്കി അതുവഴി പണം വാങ്ങിയ ശേഷം മോര്ഫ് ചെയ്ത ചിത്രങ്ങള് അയച്ചു നല്കുകയും ചെയ്തു. ഇങ്ങനെ ഇയാള് ആറുമാസം കൊണ്ട് ഒന്നരലക്ഷത്തോളം രൂപ സമ്ബാദിക്കുകയും ചെയ്തു.
കൂട്ടുകാരോടൊപ്പം പലയിടങ്ങളിലും പോയി ഉല്ലസിക്കാനും മദ്യപിക്കാനും മറ്റുമാണ് ഇയാള് ഈ പണം വിനിയോഗിച്ചത്.സ്ത്രീയുടെ ഭര്ത്താവിന്റെ പരാതിപ്രകാരം 2020 സെപ്റ്റംബര് 18 ന് പാലാ പോലീസ് കേസ് രജിസ്റ്റര് ചെയ്തിരുന്നു. ഇതേ തുടര്ന്ന് പ്രതി ഒരു വര്ഷമായി പോലീസിന്റെ കണ്ണുവെട്ടിച്ച് വിവിധ സ്ഥലങ്ങളിലുള്ള ബന്ധുവീടുകളില് മൊബൈല് ഫോണും മറ്റും ഉപയോഗിക്കാതെ ഒളിവില് കഴിഞ്ഞുവരികയായിരുന്നു. ഒളിവില് കഴിഞ്ഞു വരവേ പ്രതി സ്വന്തം പിതാവിന്റെയും ജ്യേഷ്ഠന്റെയും സഹായത്തോടെ പോലീസിനെതിരെ മനുഷ്യാവകാശ കമ്മീഷനിലും ഹൈക്കോടതിയിലും പോലീസ് ഉന്നത അധികാരികള്ക്കും മറ്റും വ്യാജ പരാതികള് നല്കുകയും ചെയ്തിരുന്നു. പ്രതിക്കെതിരെ കിടങ്ങൂര് പോലീസ് സ്റ്റേഷനിലും സമാനമായ മറ്റൊരു കേസ് നിലവിലുണ്ട്.
മുണ്ടക്കയം പോലീസ് സ്റ്റേഷന് പരിധിയില് ഒളിവില് കഴിഞ്ഞ് വരുന്നതിനിടയില് ഇയാള് വിവാഹിതയായ മറ്റൊരു സ്ത്രീയുടെ ഫോട്ടോ പകര്ത്താന് ശ്രമിച്ചതായും ആരോപണമുണ്ട്. ഇന്ന് പാലാ പോലീസ് സ്റ്റേഷന് ഇന്സ്പെക്ടര് കെ.പി തോംസണ് ലഭിച്ച രഹസ്യവിവരത്തിന്റെ അടിസ്ഥാനത്തില് എസ്. ഐ. അഭിലാഷ് എം.ഡിയുടെ നേതൃത്വത്തില്എ.എസ്.ഐമാരായ ഷാജിമോന് എ.റ്റി, ബിജു കെ തോമസ്, സീനിയര് സിവില് പോലീസ് ഓഫീസര് ഷെറിന് സ്റ്റീഫന് സി.പി. ഓമാരായ ജയകുമാര് സി.ജി, രഞ്ജിത് സി, ജോഷി മാത്യു എന്നിവര് ചേര്ന്നാണ് ചങ്ങനാശ്ശേരി തെങ്ങണയിലുള്ള ബന്ധുവീട്ടില് നിന്നും പ്രതിയെ പിടികൂടിയത്.ഇയാളെ പാലാ കോടതിയില് ഹാജരാക്കുകയും കോടതിയുത്തരവിന് പ്രകാരം റിമാന്ഡ് ചെയ്ത് ജയിലില് അടയ്ക്കുകയും ചെയ്തു