രാജസ്ഥാനിലെ ഒരു ക്രിസ്ത്യൻ ഗ്രാമം അപ്പാടെ ഹിന്ദുമതം സ്വീകരിക്കാനൊരുങ്ങുന്നു. രാജസ്ഥാനിലെ ബൻസ്വാര ഗംഗാർദത്തലി സോദ്ല ദുധ ഗ്രാമത്തിലുള്ള ജനങ്ങളാണ് കൂട്ടത്തോടെ ഹിന്ദുമതത്തിലേക്ക് മടങ്ങുന്നത്.30 വർഷം മുമ്ബ് ഈ ഗ്രാമത്തിലുള്ളവർ കൂട്ടത്തോടെ ക്രിസ്തുമതം സ്വീകരിച്ചിരുന്നു. മഹാ കുംഭമേളയുടെ സ്വാധീനമാണ് ഗ്രാമവാസികളെ ഹിന്ദുമതത്തിലേക്ക് മടങ്ങിപ്പോകാൻ ഇപ്പോള് പ്രേരിപ്പിച്ച ഘടകം.
30 വർഷം മുൻപാണ് ഈ ഗ്രാമത്തിലുള്ളവർ കൂട്ടത്തോടെ ക്രിസ്തുമതം സ്വീകരിച്ചത്. ഈ ഗ്രാമത്തിലെത്തിയ ക്രിസ്ത്യൻ മിഷനറിമാരാണ് ഇവരെ ക്രിസ്തുമതത്തിലേക്ക് പരിവർത്തനം ചെയ്തത് ജനങ്ങള് കൂട്ടത്തോടെ മതം മാറിയതോടെ ഗ്രാമത്തില് ഉണ്ടായിരുന്ന ഭൈരവ നാഥ ക്ഷേത്രം പള്ളിയാക്കി മാറ്റുകയും ചെയ്തു. എന്നാല് ഇപ്പോള് 30 വർഷങ്ങള്ക്കിപ്പുറം പള്ളി വീണ്ടും ക്ഷേത്രമാക്കി മാറ്റുകയാണ് ഇവർ.
ഹിന്ദുമതത്തിലേക്കുള്ള ഗ്രാമവാസികളുടെ തിരിച്ചുവരവും ക്ഷേത്ര ഉദ്ഘാടനവും വളരെ ഗംഭീരമായി സംഘടിപ്പിച്ചിരിക്കുകയാണ്. ഒരുകാലത്ത് പള്ളിയില് പുരോഹിതനായി ജോലി ചെയ്തിരുന്ന ഗൗതം ഗാർസിയയും ഹിന്ദുമതത്തിലേക്ക് മടങ്ങിയെത്തി. രാജ്യത്തും സംസ്ഥാനത്തും സനാതന സംസ്കാരത്തിന്റെ സന്ദേശം എത്തിച്ച മഹാ കുംഭമേളയ്ക്കും ശേഷം, മുമ്ബ് ക്രിസ്തുമതം സ്വീകരിച്ചിരുന്ന ഈ ഗ്രാമത്തിലെ ജനങ്ങള് ഇപ്പോള് വീണ്ടും ഹിന്ദുമതം സ്വീകരിക്കുകയാണെന്ന് അദ്ദേഹം പറഞ്ഞു.
