രാജ്യത്തിൻറെ സാമ്പത്തിക അടിത്തറ ഭദ്രം: ബഡ്ജറ്റിനു മുന്നോടിയായി സാമ്പത്തിക സർവ്വേ സഭയിൽ അവതരിപ്പിച്ച് കേന്ദ്ര ധനകാര്യ മന്ത്രി നിർമ്മലാ സീതാരാമൻ: പ്രധാന കണ്ടെത്തലുകൾ ഇവ

ബജറ്റിന് ഒരു ദിവസം മുമ്ബ് ഇന്ന് ധനമന്ത്രി നിർമല സീതാരാമൻ സാമ്ബത്തിക സർവേ പാർലമെൻ്റില്‍ അവതരിപ്പിച്ചു.2025-26 സാമ്ബത്തിക വർഷത്തില്‍ ഇന്ത്യയുടെ ജിഡിപി 6.3 ശതമാനം മുതല്‍ 6.8 ശതമാനം വരെ വളരുമെന്നാണ് സാമ്ബത്തിക സർവേ റിപ്പോർട്ട്. കഴിഞ്ഞ സാമ്ബത്തിക വർഷത്തിലെ ഇന്ത്യൻ സമ്ബദ്‌വ്യവസ്ഥയുടെ സമഗ്രമായ അവലോകനം അല്ലെങ്കില്‍ വാർഷിക റിപ്പോർട്ടാണ് സാമ്ബത്തിക സർവേ.

ഇന്ത്യയുടെ മുഖ്യ സാമ്ബത്തിക ഉപദേഷ്ടാവിൻ്റെ (സിഇഎ) മാർഗനിർദേശപ്രകാരം ധനമന്ത്രാലയത്തിലെ സാമ്ബത്തിക കാര്യ വകുപ്പിലെ സാമ്ബത്തിക വിഭാഗമാണ് ഇത് തയ്യാറാക്കുന്നത്.പൊതുതെരഞ്ഞെടുപ്പിന് ശേഷം അവതരിപ്പിച്ച കേന്ദ്ര ബജറ്റിന് മുന്നോടിയായി 2024 ജൂലൈ 22-നാണ് മുൻപ് സാമ്ബത്തിക സർവേ അവതരിപ്പിച്ചത്. അതിനുശേഷം ആറ് മാസത്തിനുള്ളിലാണ് അടുത്ത സാമ്ബത്തിക സർവേ റിപ്പോർട്ട് വരുന്നത്.