ബിരിയാണി എങ്കിൽ 20 എണ്ണം വരെ; പൊറോട്ടയെങ്കിൽ 60 എണ്ണം; പഴം ജസ്റ്റ് ഒരു കുല: കോഴിക്കോട്ടെ ചുമട്ടുതൊഴിലാളി ഉസൈൻ കുട്ടിയുടെത് വളരെ ലളിതമായ ഭക്ഷണക്രമം; വൈറൽ വീഡിയോ കാണാം.

രുചികരമായ ഭക്ഷണം എത്ര കഴിച്ചാലും നമുക്ക് മതിവരാറില്ല. ആരോഗ്യം കണക്കിലെടുത്ത് പലപ്പോഴും ഇഷ്ട ഭക്ഷണങ്ങള്‍ മനസില്ലാ മനസോടെയാണെങ്കിലും നമ്മള്‍ ഒഴിവാക്കാറുണ്ട്. എന്നാല്‍ തന്റെ വിശപ്പ് മാറുംവരെ മനസ് നിറഞ്ഞ് ഭക്ഷണം കഴിക്കുകയാണ് കോഴിക്കോട് സ്വദേശി ഉസൈന്കുട്ടി.

ഒറ്റയിരിപ്പിന് 60 പൊറോട്ട വരെ താൻ കഴിക്കാറുണ്ടെന്നാണ് ഉസൈന്കുട്ടി പറയുന്നത്. ഉസൈന്കുട്ടിയുടെ മെനു കേട്ടാല്‍ ആരും ഒന്ന് മൂക്കത്ത് വിരല്‍ വയ്ക്കും. “ചപ്പാത്തിയാണെങ്കില്‍ 10 എണ്ണം വരെ കഴിക്കും, ബിരിയാണി 20 എണ്ണം, പൊറോട്ട 60 എണ്ണം, പഴമാണെങ്കില്‍ ഒരു കൂലവരെ കഴിക്കും,” ഉസൈന്കുട്ടി പറയുന്നു.