FlashKeralaNews

മണിക്കൂറിൽ 100 മുതൽ 130 കിലോമീറ്റർ വരെ വേഗത; അടിപൊളി കോച്ചുകളും യാത്ര സൗകര്യങ്ങളും: കേരളത്തിലേക്ക് എത്തുന്നു 10 വന്ദേ മെട്രോകൾ – വിശദാംശങ്ങൾ വായിക്കാം.

സാധാരണക്കാർക്ക് താങ്ങാവുന്ന നിരക്കില്‍ യാത്രയ്ക്ക് 10 വന്ദേമെട്രോ ട്രെയിനുകള്‍ കേരളത്തിലും വരുന്നു. എല്ലാ പ്രധാന സ്റ്റോപ്പിലും നിറുത്തുന്ന എ.സി ട്രെയിനാണ്. 100-130 കിലോമീറ്റർ വേഗത്തിലോടും. ടിക്കറ്റ് ബുക്കിംഗ് സൗകര്യമുണ്ടാകില്ല. അതത് സ്റ്റേഷനില്‍ നിന്ന് ടിക്കറ്റെടുക്കാം. ഒരു കോച്ചില്‍ 100 പേർക്ക് ഇരുന്നും 200 പേർക്ക് നിന്നും യാത്ര ചെയ്യാം.

ad 1

ജൂലായില്‍ പരീക്ഷണ ഓട്ടം തുടങ്ങും. മാസങ്ങള്‍ക്കകം സർവീസും. കുറഞ്ഞ നിരക്കുള്‍പ്പെടെ തീരുമാനിച്ചിട്ടില്ല. സൂപ്പർ ഫാസ്റ്റിന്റെ നിരക്കാവാനാണ് സാദ്ധ്യത. എറണാകുളത്തു നിന്ന് കോഴിക്കോട്ടേക്കാണ് ആദ്യ സർവ്വീസ്. തിരുവനന്തപുരം – എറണാകുളം, കോഴിക്കോട്- പാലക്കാട്, കോട്ടയം – പാലക്കാട്, എറണാകുളം- കോയമ്ബത്തൂർ, മധുര- ഗുരുവായൂർ, കൊല്ലം- തിരുനെല്‍വേലി, കൊല്ലം – തൃശ്ശൂർ, കോഴിക്കോട്- മംഗലാപുരം, നിലമ്ബൂർ – മേട്ടുപ്പാളയം എന്നിവയാണ് മറ്റു സർവീസുകള്‍.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group | Google News |Telegram Group
ad 2

ഇപ്പോഴുള്ള രണ്ട് വന്ദേഭാരത് സർവ്വീസുകളും വൻ ലാഭത്തിലാണ്. വന്ദേമെട്രോയ്ക്ക് കേരളത്തെ ആദ്യ ലിസ്റ്റിലുള്‍പ്പെടുത്താൻ കാരണവുമിതാണ്. 10 കോടിയാണ് ഒരു കോച്ചിന് നിർമ്മാണച്ചെലവ്. കപൂർത്തല റെയില്‍ കോച്ച്‌ ഫാക്ടറിയിലും പെരമ്ബൂർ ഇന്റഗ്രല്‍ കോച്ച്‌ ഫാക്ടറിയിലുമായി 400 ട്രെയിനുകളാണ് ഈ വർഷം പുറത്തിറക്കുക. പരമാവധി 250 കിലോമീറ്റർ ദൂരം കണക്കാക്കിയാണ് സർവ്വീസ്.

ad 3

മെമുവിനെ വന്ദേഭാരത് മോഡലില്‍ പരിഷ്‌കരിച്ച രൂപമാണ് 12 കോച്ചുള്ള വന്ദേ മെട്രോ.ഭക്ഷണമൊഴിച്ച്‌ വന്ദേഭാരതിലെ സൗകര്യങ്ങള്‍ മെട്രോയിലുണ്ടാകും.ഇവയ്ക്കുള്ളിൽ ലഭ്യമാകുന്ന ആധുനിക സൗകര്യങ്ങൾ ചുവടെ വായിക്കാം.

ad 5

ഓട്ടോമാറ്റിക് വാതിലുകള്‍, വലിയ ചില്ല് ജന്നാലകള്‍, കോച്ചുകളെ ബന്ധിപ്പിച്ച് വാതിലുകൾ

ഡിജിറ്റല്‍ റൂട്ട് – സ്റ്റോപ്പ് ഇൻഡിക്കേഷൻ ഡിസ്‌പ്ലേ, മൊബൈല്‍ ചാർജ്ജിംഗ് സൗകര്യം,ക്യാമറ

ആധുനിക ടോയ്ലെറ്റുകള്‍, അപകടമൊഴിവാക്കാൻ കവച് ഡിജിറ്റല്‍ സെക്യുരിറ്റി സംവിധാനം

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
ad 4
-->

Related Articles

Leave a Reply

Your email address will not be published. Required fields are marked *

Back to top button