വീണ വിജയന്റെ ‘കരിമണൽ’ മാസപ്പടി: വിടവാങ്ങിയ പിടി തോമസ് വർഷങ്ങൾക്കു മുമ്പ് പ്രവചിച്ചത് യാഥാർത്ഥ്യമാകുന്നു; സമൂഹമാധ്യമങ്ങളിൽ വൈറലാകുന്ന ‘പി ടി’യുടെ വീഡിയോ കാണാം.

പിടി തോമസിന്റെത് പ്രവാചക ശബ്ദം എന്നു തോന്നിക്കുന്ന രീതിയിലാണ് ഇപ്പോൾ കേരള രാഷ്ട്രീയത്തിലെ ചില വിവാദ സംഭവങ്ങൾ നടക്കുന്നത്. പിണറായി വിജയന്റെ മകൾ വീണ വിജയൻറെ സ്വകാര്യ അക്കൗണ്ടിലേക്കും അവരുടെ കമ്പനിയായ എക്സാലോജിക്കിന്റെ അക്കൗണ്ടിലേക്കും കരിമണൽ കർത്ത നൽകുന്ന കോഴപ്പണം എല്ലാ മാസവും ഒഴുകുന്നുണ്ട് എന്ന് 2021ലാണ് അന്നത്തെ തൃക്കാക്കര എംഎൽഎയായിരുന്നു പിടി തോമസ് ആരോപണം ഉന്നയിച്ചത്. ഇതുമായി ബന്ധപ്പെട്ട് അന്വേഷണം നടത്തണമെന്നും അദ്ദേഹം ആവശ്യപ്പെട്ടിരുന്നു.

അന്ന് പിടിയുടെ ആരോപണങ്ങളെ മുഖ്യമന്ത്രി പുച്ഛിച്ചു തള്ളിക്കളയുകയും കോൺഗ്രസോ യുഡിഎഫോ ഇതുമായി ബന്ധപ്പെട്ട കാര്യമായ സമരപരിപാടികൾ സംഘടിപ്പിക്കുകയോ ചെയ്തില്ല. എന്നാൽ 2023 അവസാനത്തോടെ കരിമണൽ കർത്തായുടെ ഉടമസ്ഥതയിലുള്ള സിഎംആർഎലിൽ നിന്ന് വീണ വിജയന്റെ സ്വകാര്യ അക്കൗണ്ടിലേക്കും, കമ്പനി അക്കൗണ്ടിലേക്കും 1.72 കോടി രൂപ കോഴപ്പണമായി ഒഴുകിയത് രേഖകൾ സഹിതം പുറത്തുവന്നു. ഇൻകം ടാക്സ് ഇന്ററിം സെറ്റിൽമെന്റ് ബോർഡാണ് ഈ നിർണായക കണ്ടെത്തലുകൾ നടത്തിയത്.