പി എസ് സി കോച്ചിങ് ക്ലാസിനിടെ 18കാരൻ കുഴഞ്ഞു വീണു മരിച്ചു; മരണകാരണം ഹൃദയാഘാതം: വീഡിയോ ദൃശ്യങ്ങൾ കാണാം.

മധ്യപ്രദേശിലെ ഇൻഡോറില്‍ 18 വയസുള്ള കോളജ് വിദ്യാർഥി കുഴഞ്ഞുവീണ് മരിച്ചു. ബുധനാഴ്ച വൈകീട്ട് കോച്ചിങ് ക്ലാസിലിരിക്കുമ്ബോഴാണ് മാധവിന് ഹൃദയാഘാതം അനുഭവപ്പെട്ടത്. പി.എസ്.സി പരീക്ഷകള്‍ക്കായുള്ള കോച്ചിങ് ക്ലാസിലാണ് യുവാവ് പോയിരുന്നത്. വിദ്യാർഥി ക്ലാസിലിരിക്കുന്നതിന്റെ വിഡിയോ പുറത്തുവന്നിട്ടുണ്ട്.

32 സെക്കൻഡ് ദൈർഘ്യമുള്ള വിഡിയോയില്‍ വിദ്യാർഥി ശ്രദ്ധയോടെ ക്ലാസിലിരിക്കുന്നത് കാണാം. പിന്നീട് യുവാവ് അസ്വസ്ഥനാകുന്ന ദൃശ്യങ്ങളാണുള്ളത്. അടുത്തിരുന്നയാള്‍ മാധവിന്റെ പുറത്ത് തലോടുന്നുണ്ട്. വേദനയുണ്ടോ എന്നും ചോദിക്കുന്നുണ്ട്. വേദന അസഹ്യമായപ്പോള്‍ സഹപാഠി അധ്യാപകനോട് വിവരം പറഞ്ഞു. അപ്പോഴേക്കും മാധവ് കുഴഞ്ഞുവീണിരുന്നു.