മറ്റുള്ളവരുടെ മുഖത്ത് വിരിയുന്ന പുഞ്ചിരിയാണ് ജീവിതത്തിന്റെ സൗന്ദര്യം പലപ്പോഴും നമ്മളെ പഠിപ്പിക്കുന്നത്. സ്വന്തം ജീവിതത്തില്‍ വളരെ നിസാരമെന്ന് തോന്നുന്ന കാര്യങ്ങളിലൂടെയാവും അത് സാധ്യമാക്കാനുമാവുക. ഇത്തരത്തിലൊരു വീഡിയോ ക്ലിപ്പാണ് വിവിധ സാമൂഹിക മാധ്യമ പ്ലാറ്റ്ഫോമുകളില്‍ ഇപ്പോള്‍ വൈറലാവുന്നത്.കൊളംബിയയിലെ എബെജികോയിലെ സ്കൂള്‍ വിദ്യാര്‍ത്ഥിയായ എട്ട് വയസുകാരന്‍ എയ്ഞ്ചല്‍ ഡേവിഡിന്റെ ജന്മദിന ആഘോഷമാണ് വീഡിയോയിലുള്ളത്.
ഇത്രയും കാലത്തിനിടയില്‍ ഒരിക്കല്‍ പോലും ജന്മദിനം ആഘോഷിക്കാന്‍ അവന് അവസരം ലഭിച്ചിട്ടുണ്ടായിരുന്നില്ല. സാമ്ബത്തികമായി അത്ര നല്ല നിലയിലല്ലാത്ത അവന്റെ കുടുംബത്തിന് ജന്മദിന ആഘോഷം നടത്താനുള്ള ശേഷിയുണ്ടായിരുന്നില്ല. എട്ട് വയസുകാരന്‍ ഉള്‍പ്പെടെ നാല് കുട്ടികളെ വളര്‍ത്തേണ്ട ഉത്തരവാദിത്തം അവരുടെ അമ്മയുടെ ചുമലിലായിരുന്നു. ഈ അവസ്ഥ മനസിലാക്കിയ എയ്ഞ്ചല്‍ ഡേവിഡിന്റെ ടീച്ചര്‍ കേസെസ് സിമെനോ അവന്റെ എട്ടാം ജന്മദിനം വലിയ ആഘോഷമാക്കി മാറ്റണമെന്ന് തീരുമാനിക്കുകയായിരുന്നു. ഒ
