അമിതവേഗതയിൽ പാഞ്ഞുവന്ന കാർ ഇടിച്ചു; വായുവിൽ മലക്കം മറിഞ്ഞ് പൊലീസ് ഉദ്യോഗസ്ഥൻ – വിഡിയോ

ന്യൂഡൽഹി :
വേഗത്തിലെത്തിയ കാർ പൊലീസ് ഉദ്യോഗസ്ഥനെ ഇടിച്ചുതെറിപ്പിക്കുന്നതിന്റെ വിഡിയോ ദൃശ്യങ്ങൾ പുറത്ത്, കൊണാട്ട് പ്ലേയ്സിലെ മാർക്കറ്റിലാണ് ചൊവ്വാഴ്ച പുലർച്ചെ ഒരു മണിയോടെ അപകടമുണ്ടായത്.

ബാരിക്കേഡിനു സമീപത്തായി വാഹനം പരിശോധിക്കുകയായിരുന്നു പൊലീസ് ഉദ്യോഗസ്ഥൻ. അമിത വേഗത്തിലെത്തിയ കാർ ഉദ്യോഗസ്ഥനെയും ബാരിക്കേഡും ഇടിച്ചു തെറിപ്പിക്കുകയായിരുന്നു. വായുവിൽ മലക്കം മറിഞ്ഞാണ് ഉദ്യോഗസ്ഥൻ താഴെ വീണത്. കാലിനും തലയ്ക്കും പരുക്കേറ്റ ഉദ്യോഗസ്ഥനെ ഉടൻ തന്നെ ആശുപത്രിയിൽ എത്തിച്ചതിനാൽ ജീവൻ രക്ഷിക്കാനായി.