തിരുവിതാംകൂർ രാജ കുടുംബത്തിലേക്ക് ആദ്യമായി എത്തുന്ന ഔഡി; പതിവ് വാഹനമായ ബെൻസ് ഒഴിവാക്കി ജർമ്മൻ ലക്ഷ്വറി കാർ നിർമ്മാതാക്കളുടെ A4 മോഡൽ തിരഞ്ഞെടുത്ത് കുടുംബത്തിലെ ഇളമുറക്കാരനായ പ്രിൻസ് ആദിത്യ വര്‍മ്മ.

പുതിയ ഔഡിക്ക് മുമ്ബ് രാജകുടുംബം മെര്‍സിഡീസ് ബെൻസിന്റെ കാറുകള്‍ മാത്രമായിരുന്നു ഉപയോഗിച്ചുകൊണ്ടിരുന്നത്. ഇത് ആദ്യമായാണ് മറ്റൊരു ജര്‍മൻ ബ്രാൻഡ് വാഹനം തിരുവതാംകൂര്‍ ഗരാജിലേക്ക് എത്തുന്നത്. വ്യക്തിഗത ആവശ്യങ്ങള്‍ക്കല്ലാത്തതിനാല്‍ കമ്ബനിയുടെ ഡയറക്ടര്‍മാരാണ് ഔഡി A4 സെഡാൻ വാങ്ങാൻ തീരുമാനിച്ചത്. കമ്ബനി ആവശ്യങ്ങള്‍ക്ക് ഉതകുന്നതും മുടക്കുന്ന പണത്തിന് മൂല്യം നല്‍കുന്നതുമായ വാഹനം തേടി ഒടുവില്‍ ഔഡി കാര്‍ തെരഞ്ഞെടുക്കുകയായിരുന്നു.

തെരഞ്ഞെടുക്കുന്ന വേരിയന്റിനെ അനുസരിച്ച്‌ 41 ലക്ഷം രൂപ മുതല്‍ 51 ലക്ഷം രൂപ വരെയാണ് ഔഡി A4 സെഡാന് ഇന്ത്യയില്‍ വരുന്ന എക്സ്ഷോറൂം വില. കമ്ബനി പരിഗണിച്ച പല കാറുകളും അവരുടെ ബജറ്റിന് മുകളിലായിരുന്നു. അങ്ങനെ തങ്ങളുടെ മാനദണ്ഡങ്ങള്‍ പാലിക്കുന്ന ഒരേയൊരു ലക്ഷ്വറി കാറായി A4 എത്തുകയും സ്വന്തമാക്കുകയുമായിരുന്നു. മെര്‍സിഡീസ് ബെൻസ് C-ക്ലാസ്, ബിഎംഡബ്ല്യു 3 സീരീസ്, വോള്‍വോ S60 എന്നീ മോഡലുകളെ മറികടന്നാണ് A4 മതിയെന്ന തീരുമാനത്തിലെത്തിയത്.

ഒരു വെര്‍ച്വല്‍ കോക്ക്പിറ്റ്, 10.1-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഔഡി സൗണ്ട് സിസ്റ്റം, എല്‍ഇഡി ഹെഡ്‌ലാമ്ബുകളും ടെയില്‍ ലാമ്ബുകളും, ഇലക്‌ട്രിക് സണ്‍റൂഫ്, വിവിധ ഡ്രൈവിംഗ് മോഡുകള്‍, ലെതറെറ്റ് സീറ്റുകള്‍, ആംബിയന്റ് ലൈറ്റിംഗ്, ഇലക്‌ട്രിക്കലി അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകള്‍, ഫ്രണ്ട് ആൻഡ് റിയര്‍ പാര്‍ക്കിംഗ് സെൻസറുകള്‍, ഒരു പിൻ പാര്‍ക്കിംഗ് ക്യാമറ, മള്‍ട്ടി-സോണ്‍ ക്ലൈമറ്റ് കണ്‍ട്രോള്‍ എന്നിവ പോലുള്ള ലക്ഷ്വറി ഫീച്ചറുകളുമായാണ് ഔഡി A4 നിരത്തിലെത്തുന്നത്.