മഴ ശക്തമായി തുടരുന്ന സാഹചര്യത്തില് സുരക്ഷ മുന്നിര്ത്തി ബുധനാഴ്ച തൃശൂര്, കാസര്കോട്, കണ്ണൂര്, കോട്ടയം, എറണാകുളം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കലക്ടര്മാര് അവധി പ്രഖ്യാപിച്ചു. കാസര്കോട് ജില്ലയിലെ മിക്ക പ്രദേശങ്ങളിലും ശക്തമായ മഴ തുടരുകയാണ്. ഇന്ന് അതിതീവ്ര മഴക്ക് സാധ്യതയുള്ളതിനാല് കാസര്കോഡ് ജില്ലയില് റെഡ് അലര്ട്ട് പ്രഖ്യാപിച്ചിരുന്നു. നാളെയും അതിശക്തമായ മഴ തുടരുമെന്നാണ് സൂചന.
ഈ സാഹചര്യത്തില് മുൻകരുതല് എന്ന നിലയില് ജില്ലയിലെ സ്റ്റേറ്റ്, സി.ബി.എസ്.ഇ, ഐ.സി.എസ്.സി സ്കൂളുകള് കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് നാളെയും കൂടി അവധി പ്രഖ്യാപിക്കുന്നതായി ജില്ലാ കലക്ടര് അറിയിച്ചു. അവധി മൂലം നഷ്ടപ്പെടുന്ന പഠനസമയം ക്രമീകരിക്കാൻ വിദ്യാഭ്യാസ സ്ഥാപന മേധാവികള് നടപടി സ്വീകരിക്കണമെന്നും കലക്ടര് ആവശ്യപ്പെട്ടു. അതേസമയം, കോളജുകള്ക്ക് നാളത്തെ അവധി ബാധകമല്ല.
കണ്ണൂര്, തൃശൂർ, കോട്ടയം, എറണാകുളം ജില്ലകളില് പ്രഫഷനല് കോളജ് ഉള്പ്പടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. മാഹിയിലും അവധി മാഹി: കാലവര്ഷം ശക്തമായ സാഹചര്യത്തില് മാഹി മേഖലയിലെ പ്രഫഷണല് കോളജ് ഉള്പ്പെടെ വിദ്യാഭ്യാസ സ്ഥാപനങ്ങള്ക്ക് ബുധനാഴ്ച അവധി.