കോട്ടയം ജില്ലയിലെ സ്കൂളുകൾക്ക് നാളെ ഉച്ചകഴിഞ്ഞ് അവധി; പ്രഖ്യാപനവുമായി ജില്ലാ കളക്ടർ: വിശദാംശങ്ങൾ വായിക്കാം.

കോട്ടയം ജില്ലയിലെ സ്കൂളുകൾക്ക് നാളെ ഉച്ചകഴിഞ്ഞ് അവധി പ്രഖ്യാപിച്ചു. ജില്ലാ കളക്ടറാണ് അവധി പ്രഖ്യാപിച്ചിരിക്കുന്നത്. അന്തരിച്ച മുൻ മുഖ്യമന്ത്രി ഉമ്മൻചാണ്ടിയുടെ മൃതശരീരവുമായി നടക്കുന്ന വിലാപയാത്രയുടെ ക്രമീകരണങ്ങൾ മൂലമാണ് അവധി. വിലാപയാത്രയുമായി ബന്ധപ്പെട്ട നഗരത്തിൽ പോലീസ് ഗതാഗത നിയന്ത്രണം ഏർപ്പെടുത്തിയിട്ടുണ്ട്.

നാളെ ഉമ്മൻചാണ്ടിയുടെ ഭൗതികശരീരം വഹിച്ചുള്ള വിലാപയാത്ര കോട്ടയത്ത് വന്നു ചേരുമ്പോൾ പതിനായിരക്കണക്കിന് ആളുകളാണ് നഗരത്തിലേക്ക് എത്തിച്ചേരുമെന്ന് പ്രതീക്ഷിക്കപ്പെടുന്നത്. ഇപ്പോൾ പൊതുദർശനത്തിന് വച്ചിരിക്കുന്ന ദർബാർ ഹോളിൽ ഉമ്മൻചാണ്ടിയെ അവസാനമായി ഒരു നോക്ക് കാണാൻ ആയിരക്കണക്കിന് ജനങ്ങൾ ആണ് ഈ വൈകിയ നേരത്ത് എത്തിച്ചേരുന്നത്. പ്രവർത്തകരെയും ജനങ്ങളെയും നിയന്ത്രിക്കുവാൻ കോൺഗ്രസ് നേതാക്കൾ അക്ഷരാർത്ഥത്തിൽ പെടാപ്പാട് പെടുന്ന കാഴ്ചയാണ് തിരുവനന്തപുരത്ത് ഇപ്പോൾ ഉള്ളത്.