ഡൽഹി: ഇന്ത്യന് വാക്സിനുകള് അംഗീകരിക്കണമെന്ന് യൂറോപ്യന് യൂണിയന് രാജ്യങ്ങളോട് ഇന്ത്യ. കൊവാക്സിനും, കോവിഷീല്ഡും അംഗീകരിക്കണമെന്നാണ്, യൂറോപ്യന് യൂണിയന് അംഗരാജ്യങ്ങളോട് ഔദ്യോഗികമായി ആവശ്യപ്പെട്ടത്.
ജൂലൈ ഒന്ന് മുതല് പ്രാബല്യത്തില് വരുന്ന യൂറോപ്യന് യൂണിയന്റെ വാക്സിന് പാസ്പോര്ട്ട് നയത്തില് കൊവിഷീല്ഡും കൊവാക്സിനും ഉള്പ്പെട്ടിരുന്നില്ല. ഇത് ഈ വാക്സിനുകള് സ്വീകരിച്ച ഇന്ത്യയില് നിന്ന് യൂറോപ്യന് രാജ്യങ്ങളിലേക്കുള്ള യാത്രക്കാര്ക്ക് ബുദ്ധിമുട്ടുണ്ടാക്കുമെന്ന ആശങ്ക നിലനില്ക്കുന്നുണ്ട്. ഈ സാഹചര്യത്തിലാണ് ഇന്ത്യ ഔദ്യോഗികമായി വാക്സിനുകള് അംഗീകരിക്കണമെന്ന ആവശ്യം ഉയര്ത്തിയിരിക്കുന്നത്.
അതേസമയം ഇന്ത്യന് വാക്സിനുകളായ കൊവാക്സിനും, കോവിഷീല്ഡും അംഗീകരിച്ചില്ലെങ്കില് യൂറോപ്യന് രാജ്യങ്ങളുടെ വാക്സിന് സര്ട്ടിഫിക്കറ്റുകള് ഇന്ത്യയും സ്വീകരിക്കില്ലെന്ന മുന്നറിയിപ്പ് നല്കിയിട്ടുണ്ട്. പരസ്പര സഹകരണത്തിന്റെ നയമാണ് ഇന്ത്യ സ്വീകരിച്ചിട്ടുള്ളതെന്നും, ഇന്ത്യന് വാക്സിനുകള് അംഗീകരിച്ചാല് യൂറോപ്യന് യൂണിയന് അംഗരാജ്യങ്ങളില് നിന്ന് ഇന്ത്യയിലെത്തുന്നവര്ക്ക് നിര്ബന്ധിത ക്വാറന്റൈനില് നിന്ന് ഒഴിവാക്കുമെന്നുമാണ് ഇന്ത്യന് വിദേശകാര്യ മന്ത്രാലയം അറിയിച്ചിരിക്കുന്നത്.