ദില്ലി: കേരളം വ്യവസായ സൗഹൃദ സംസ്ഥാനമല്ലെന്ന കിറ്റെക്സ് എംഡി സാബു ജേക്കബിന്റെ നിലപാട് ദൗര്ഭാഗ്യകരമെന്ന് ധനമന്ത്രി കെ. എന്. ബാലഗോപാല്. വിവാദങ്ങള്കൊണ്ട് കിറ്റെക്സ് ഓഹരിവിപണിയില് വന് നേട്ടമുണ്ടാക്കി. കേരളത്തിനെതിരേ പരാമര്ശങ്ങള് അദ്ദേഹം നടത്താന് പാടില്ലായിരുന്നുവെന്നും മന്ത്രി പറഞ്ഞു.
കേന്ദ്ര ധനമന്ത്രി നിര്മല സീതാരാമനുമായി നടത്തിയ കൂടിക്കാഴ്ചയില് സംസ്ഥാനത്തിന്റെ കടമെടുപ്പ് പരിധി അഞ്ചു ശതമാനമായി ഉയര്ത്തണമെന്നും ധനമന്ത്രി കേന്ദ്രത്തോട് ആവശ്യപ്പെട്ടു. ജിഎസ്ടി നഷ്ടപരിഹാര കാലാവധി അഞ്ചു വര്ഷം കൂടി നീട്ടണമെന്നും ആവശ്യപ്പെട്ടതായി ബാലഗോപാല് പറഞ്ഞു.
അടുത്ത വര്ഷം ജി എസ് ടി നഷ്ടപരിഹാര കാലാവധി തീരും. അപ്പോള് മുതല് പെട്രോളും ഡീസലും ജി എസ് ടീയില് ഉള്പ്പെടാനാണ് സാധ്യത, എങ്കില് കേരളത്തിനെ കാത്തിരിക്കുന്നത് കടുത്ത സാമ്ബത്തിക പ്രതിസന്ധി . അത് മുന്കൂട്ടിക്കണ്ടാണ് സംസ്ഥാന ധനമന്ത്രി നിര്മല സീതാരാമാനോട് നഷ്ടപരിഹാര കാലാവധി നീട്ടണം എന്നാവശ്യപ്പെട്ടത്