ഫോബ്സിന്റെ സമ്ബന്നരുടെ പട്ടിക പ്രകാരം ഇന്ത്യയിലെ മൂന്നാമത്തെ സമ്ബന്നയായ സ്ത്രീയാണ് രാധ വെമ്ബു. ലളിതമായ ജീവിതം നയിക്കുന്ന ഇവരെ കുറിച്ച് കൂടുതല് പേര്ക്കും അറിയില്ലായിരിക്കാം. സ്വന്തം പ്രയത്നത്താല് സമ്ബന്നയായ രാധ വെമ്ബുവിന്റെ ആസ്തിയായി ഫോബ്സ് കണക്കാക്കിയിട്ടുള്ളത് ഏകദേശം 21,455 കോടി രൂപയാണ്. ലോകത്തെ ഏറ്റവും വലിയ 1176ാമത്തെ ധനികയാണ് രാധ. ഇന്ത്യന് മള്ട്ടിനാഷണല് കമ്ബനിയായ സോഹോ കോര്പ്പറേഷന്റെ ഓഹരികളാണ് ഇവര്ക്ക് ഈ നേട്ടമുണ്ടാക്കി നല്കിയത്. കമ്ബനിയുടെ കൂടുതല് ഓഹരികളുടേയും ഉടമയാണ് രാധാ വെമ്ബു.
1972ല് മദ്രാസ് ഹൈക്കോടതിയിലെ സ്റ്റെനോഗ്രാഫറുടെ മകളായി ജനിച്ച രാധ വെമ്ബു തമിഴ്നാട്ടിലെ പ്രശസ്തമായ ഇന്ത്യന് ഇന്സ്റ്റിറ്റിയൂട്ട് ഓഫ് ടെക്നോളജിയിലാണ് ഉന്നത വിദ്യാഭ്യാസം പൂര്ത്തിയാക്കിയത്. ഇന്ഡസ്ട്രിയല് മാനേജ്മെന്റില് ബിരുദം നേടിയ അവര് പഠനകാലത്ത് തന്നെ സഹോദരങ്ങള്ക്കൊപ്പം ബിസിനസ് മേഖലയില് തിളങ്ങാന് ആരംഭിച്ചു.
നിലവില് സോഹോ മെയിലിന്റെ പ്രൊഡക്ട് മാനേജരായി 250 ഓളം പേരടങ്ങുന്ന ഒരു ടീമിനെയാണ് രാധ വെമ്ബു നയിക്കുന്നത്. ചെന്നൈയില് ആസ്ഥാനമായ കമ്ബനിയുടെ പ്രധാന ക്യാമ്ബസ് ടെക്സസിലെ ഓസ്റ്റിനിലാണ്. ആറ് കോടിയോളം ഉപയോക്താക്കളാണ് സോഹോ മെയിലിനുള്ളത്. ലോകമെമ്ബാടുമുളള ഒമ്ബത് രാജ്യങ്ങളില് ഓഫീസ് പ്രവര്ത്തിക്കുന്നു.ജാനകി ഹൈടെക് അഗ്രോ പ്രൈവറ്റ് ലിമിറ്റഡ് എന്ന കാര്ഷിക മേഖലയില് പ്രവര്ത്തിക്കുന്ന എന്ജിഒയുടെയും ഹൈലാന്ഡ് വാലി കോര്പ്പറേഷന് പ്രൈവറ്റ് ലിമിറ്റഡ് എന്ന റിയല് എസ്റ്റേറ്റ് കമ്ബനിയുടെയും ഡയറക്ടര് കൂടിയാണ് രാധ.