ഇന്ത്യയിലെ പ്രമുഖ ഇ-കൊമേഴ്സ് പ്ലാറ്റ്‌ഫോമായ ഫ്ലിപ്കാര്‍ട്ട് 2021-22 സാമ്ബത്തിക വര്‍ഷത്തില്‍ 3413 കോടി രൂപയുടെ നഷ്ടം രേഖപ്പെടുത്തി. കമ്ബനിയുടെ നഷ്ടം മുന്‍ വര്‍ഷത്തേക്കാള്‍ 967.4 കോടി രൂപ വര്‍ദ്ധിച്ചു. 2020-21 ല്‍ വാള്‍മാര്‍ട്ട് ഗ്രൂപ്പിന്‍റെ ഉടമസ്ഥതയിലുള്ള പ്ലാറ്റ്‌ഫോമിന് 2445.6 കോടി രൂപയുടെ നഷ്ടമുണ്ടായിരുന്നു.
കഴിഞ്ഞ സാമ്ബത്തിക വര്‍ഷം (2021-22) ഫ്ലിപ്കാര്‍ട്ടിന്‍റെ അറ്റനഷ്ടം 3,404.3 കോടി രൂപയായിരുന്നു. ഇതേ കാലയളവില്‍ കമ്ബനിയുടെ വരുമാനം 18 ശതമാനം ഉയര്‍ന്ന് 51175.7 കോടി രൂപയായി. കഴിഞ്ഞ വര്‍ഷം ഫ്ലിപ്കാര്‍ട്ടിന്‍റെ വരുമാനം 43349.1 കോടി രൂപയായിരുന്നു. കമ്ബനിയുടെ മൊത്തം ചെലവ് 54,580 കോടി രൂപയാണ്. ഈ കാലയളവില്‍ ജീവനക്കാരുടെ ശമ്ബളം ഉള്‍പ്പെടെയുള്ള ചെലവുകള്‍ വര്‍ദ്ധിച്ചു. ശമ്ബളത്തിനുള്ള ചെലവ് 385 കോടി രൂപയില്‍ നിന്ന് 627 കോടി രൂപയായി ഉയര്‍ന്നു.
2021-22 സാമ്ബത്തിക വര്‍ഷത്തില്‍, ഫ്ലിപ്കാര്‍ട്ട് ചില്‍ഡ്രനൈറ്റ് പ്രൈവറ്റ്, 63 ഐഡിയസ് ഇന്‍ഫോലാബ്സ് (നിന്‍ജകാര്‍ട്ട്) എന്നിവയില്‍ നിക്ഷേപം നടത്തിയിരുന്നു. ഫ്ലിപ്കാര്‍ട്ടിന്‍റെ തന്നെ ഇ-കൊമേഴ്സ് പ്ലാറ്റ്‌ഫോമായ മിന്ത്രയും നഷ്ടം റിപ്പോര്‍ട്ട് ചെയ്തു. കഴിഞ്ഞ സാമ്ബത്തിക വര്‍ഷം 597 കോടി രൂപയുടെ നഷ്ടമാണ് മിന്ത്ര രേഖപ്പെടുത്തിയത്. അതേസമയം, വരുമാനം 45 ശതമാനം ഉയര്‍ന്ന് 3501 കോടി രൂപയായി.
