പാലാ നഗരസഭയിലെ അധികാര തർക്കം: കേരള കോൺഗ്രസ് നടത്തുന്നത് മുന്നണി മാറ്റത്തിനുള്ള മുന്നൊരുക്കം എന്ന് സൂചന.

പക്ഷേ ഇപ്പോൾ മറ്റൊരു നിബന്ധനയാണ് കേരള കോൺഗ്രസ് മുന്നോട്ടുവയ്ക്കുന്നത്. സിപിഎം പാർലമെന്ററി പാർട്ടി ലീഡർ ആയ വ്യക്തിക്ക് ഒഴികെ മറ്റാർക്കും പദവി വിട്ടുകൊടുക്കാൻ തയ്യാറാണ് എന്നാണ് അവരുടെ നിലപാട്. രണ്ടു പതിറ്റാണ്ടോളമായി നഗരസഭ അംഗവും, പാർട്ടി ചിഹ്നത്തിൽ വിജയിച്ച ഏക സ്ഥാനാർത്ഥിയും, സിപിഎം അംഗങ്ങളിൽ പുരുഷനായ ഏക വ്യക്തിയും കൂടിയാണ് കേരള കോൺഗ്രസ് ഒഴിവാക്കാൻ ആവശ്യപ്പെടുന്ന നഗരസഭ അംഗം. ഇത്തരം അസാധ്യമായ നിബന്ധനകൾ മുന്നോട്ടുവയ്ക്കുന്നത് മുന്നണിക്കുള്ളിൽ മനപ്പൂർവ്വം പ്രശ്നങ്ങൾ ഉണ്ടാക്കി പുറത്തു പോകാനാണ് എന്ന സംശയമാണ് ഇപ്പോൾ രാഷ്ട്രീയ വൃത്തങ്ങളിൽ സജീവം. മുന്നണി മര്യാദകൾ പാലിക്കാത്ത കേരള കോൺഗ്രസ് നിലപാടിൽ സിപിഐ ഉൾപ്പെടെയുള്ള മറ്റ് ഇടതകക്ഷികളും കടുത്ത അതൃപ്തിയിലാണ്.

യുഡിഎഫും, എൻഡിഎയും ഉൾപ്പെടെയുള്ള സാധ്യതകൾ തുറന്നിട്ട് പിൻവാതിൽ ചർച്ചകൾ:

തിടുക്കപ്പെട്ട് ഇടതുമുന്നണി വിടാൻ കേരള കോൺഗ്രസ് ഉദ്ദേശിക്കുന്നില്ല എന്നാണ് ലഭ്യമാകുന്ന വിവരം. എന്നാൽ എല്ലാ സാധ്യതകളും തുറന്നിടുകയും ചെയ്യും. പാർലമെന്റ് തിരഞ്ഞെടുപ്പിന് ശേഷം വ്യക്തതയാർന്ന രാഷ്ട്രീയ നിലപാട് കൈക്കൊള്ളുക എന്നാണ് ജോസ് കെ മാണിയുടെ ഉദ്ദേശലക്ഷ്യം. കോൺഗ്രസ് ഹൈകമാൻഡിലെ പ്രമുഖനായ മലയാളി നേതാവുമായി ഇതിനോടകം തന്നെ പാർട്ടി ചെയർമാൻ ജോസ് കെ മാണി ചർച്ച നടത്തിയിട്ടുണ്ട് എന്ന വിശ്വസനീയമായ വിവരവും പുറത്തുവരുന്നുണ്ട്. സമാനമായി ക്രൈസ്തവ വിഭാഗവും ബിജെപിയും കൈകോർത്താൽ ഉണ്ടാകാവുന്ന രാഷ്ട്രീയ നേട്ടങ്ങളും അദ്ദേഹം കണക്കിലെടുക്കുന്നുണ്ട്.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക